Jeremia 24:10 - mzwDBL

¹⁰ Laa ne lɔr, dɛ weechɔɡaa mɛɛ ba kpɔe ba ta ba nɛ, ka tel kɛŋɔ beŋkpoŋ kwaraa aa wola ka, harɛ maa kpɔa tɛ ba ne ba naawa la ta.’ ”

Jeremia 24:10 Iomraidhean Croise

1 Koranar 14:15

Korowii ɛɛ tɛr Israel tena deŋnee, ba do kɛŋɔ kpɔɡa aa pa nee ta dɛɛ yiiɡi la ken. Wɛɛ chuɡri baa le harɛdɛɛɡe nɔ waa kpɔa tɛ ba naawa nɔ taa, dɛ́ lɔ ba peɡre Yufretis Moo baŋ le. Ba kpɔ voɡhaah Asera dajaŋa paaɡe dɛ kpɔ muɡli o baah.

Aesaya 51:19

Wekpeɡa anɛ nɔɔ pu heya, umee dɛ́ won larawe heyaa bwara ɔ? Laa yoi ɡelɔ he harɛ chɔɡ, lɔr chole he nɛra nɛ. Nomɛlbwa toole dɛ́ bwɛɛ heya.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 19:7

Bonɔɔ mɛɛ ba Juda ne Jerusalam tena vɔrɔwa baa vɔrɔwa bil bwa chɔɡa. Mɛɛ ɡeloo ba dɔma pɔ ba nɛɛ dɛ́ kpoo ba laa ta, ásɛ ba ola berɛ jumbii ne kpɔɡ bini ola kondikwa.

Jeremia 21:9

Nomɛlbwa soɡe bwɛjen nɔ ta naa, baa kpoo laa taa, kɛɛ weechɔɡa ne lɔr ɡel o sewɛ. Kɛ bɛlbwa waa kpɔ o te ka do Babelɔn tena baa chɔa bar heyaa nɔ lɔɡa te ɛɛ dɔ o nyuu.

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Jeremia 29:17

kasinteŋ waa Koranar Bwa Kooro aa dɛ bol laanee kɛŋɔ, ‘Mɛɛ ɡeloo bá kpoo ba laa ta, ásɛ lɔr ne weechɔɡa ɡel ba serewe, dɛ́ ɡel bá ɛ kɛŋɔ fiɡ daa nɔna aa pɔah baa wola won dia la ken.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 32:25

A lole kɛŋɔ a ka tama Babelɔn tena ba yo dɛ lawɛ yaa kaa. Kɛ ane a bwa, Nemenɛ Korowii, henee do mɛ ŋɔ ń yawɛ harɛ la nɛra baa di danseɛ la siwi ta.”

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Jeremia 42:17

Kasinteŋ, banɔ la bwa ba siwi aa beɡra kɛ bá kaa Ijipt harɛ ta la, laa ne lɔr dɛ weechɔɡaa dɛ́ kpoo ba. Beŋkpoŋ ɡba aa won chwa le wekpeɡa maa kpɔa dɛɛ ba ba nɛɛ la ta.’

Jeremia 42:22

Anomanta, hé lii waa nɔ. Laa ne lɔr, dɛ weechɔɡaa dɛ́ kpoo heya, harɛ haa dɛ nyin he ka so o ta la ta.”

Jeremia 5:12

Korowii nɛra teŋe nyosone ŋɔ, “Waa yaa wobɛlbwa ɛɛ ba. Yaa wekpeɡa bɛlbwa nae ba. Laa bɛlbwa aa ya nɛɛ ba, a ba ɛ kɛŋɔ lɔr kpo yaa yá serewe.

Jeremia 9:15

Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Ɛsekeɛl 33:27

Ŋɔ men Nemenɛ Korowii ŋɔ, ‘Ń ŋwɛɛrɔ kɛŋɔ n taa lole nɔ, baa kpoo nɛra baa kaa dɛ ta so bwɛjena aa paɡra la ta bwaa. Banɔ la baa chwaa ka so kpɔɡ bini la, kpɔɡ bini olchɔɡaa dɛ́ di ba ola, ásɛ weechɔɡa kpoo banɔ la ɡe baa chwaa ka so dekpeɡa ne bwebɔɔne bini.

Ɛsekeɛl 6:11

Kenii Nemenɛ Korowii ŋɔ, “Ɛsekeɛl, lɔ kpaŋa dɛ́ ɡɔɔ nakpale lɔ harɛ, dɛ́ wi lokua ne, Israel tena kii waa baa ɛa la wa. Baa serewe laa ne lɔr dɛ weechɔɡa taa.

Ɛsekeɛl 7:15

He leɔ kɛrɛ aa, he lɔ laa ta, he berɔ so dem ɡe aa, he ne weechɔɡa ne lɔree. Laa taa banɔ la baa lɔ kpɔɡ bini ɛɛ ba serewa. Banɔ la ɡe baa lɔ bwɛjen la ta la, weechɔɡa ne lɔree dɛɛ ba ba kpoora.

Mmarare 28:21

Wɛɛ ba weela nee ba ta he nɛɛ harɛ haa dɛ la ka kpɔ so la ta ka tel kɛŋɔ he bwa aa hea le o ta.

Wepila 6:8

Asɛ n nyiŋi dɛ jaaɡɔkɔl bɛl leɔ, asɛ nɛn so o ta baa yerɔ Seo. Bɛl ɡe le teŋɛ o nɛ, o ɡe sɔne Lalabwɛ. Ba tɛɛ ba kpeɡri bá kpɔ laa ne lɔr ne weechɔɡa ne kpɔɡ bini ola kpoo harɛ nɔ ta nɛra. He bɔne harɛ nɔ ta nɛra bwa bini bɔre anaarɛ naa, banɔ la baa tɛɛ ba kpeɡri bá kpo la ɛɛ tel bɔre anaarɛ la bini beŋkpoŋ nɛraa.