Jeremia 24:1 - mzwDBL

¹ Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 24:1 Iomraidhean Croise

2 Koranar 24:10

O kora dii saŋee Babelɔn Kooro kpɔ o laa tena ba Jerusalam, dɛ ba chɔ baro dɛ yoo ba.

2 Webena 36:10

Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

Aesaya 13:1

Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

Jeremia 13:19

Baa tɔɔɡe Juda weekaŋle harɛbɔr bwɛjena ɡbenii baa wola won yaa, dɛkalkɛ ba dɔma baa chɔ bar bwɛɛ la. Baa lawɛ Juda tena bwaa kaa bojaŋ harɛfala ta.

Jeremia 27:20

Kooro Nebukadnesa aa wola kpɔe kaa Babelɔn, ɡɛ saŋ waa lawɛ Juda Kooro Jehoiakim bibaa Jehoiachin laa ta le Jerusalam kaa Babelɔn, o ne Juda ne Jerusalam nomonome bwa la.

Jeremia 28:4

Mɛɛ berɔɔ kpɔ Jehoiakim bibaa Kooro Jehoiachin, ne Juda tena bwa baa laɡ ba laa ta kaa bojaŋ harɛfale ta Babelɔn la bwa ba. Kasinteŋ, n dɛ ba n kuuɡi Babelɔn kooro kpeɡri waa do kɛŋɔ ba yon kpɔ daa dawɛ nae nɛɛ aa parɛ la ken. Men Korowiirii bola.’ ”

Jeremia 29:1

Kenii tɔn men Korowii keame Jeremia aa chwera le Jerusalam, ka tɛ nomonome baa kaa dɛ ja nɛra baa laɡ ba kaa la, ne sɔfore ne Korowii keamere, dɛ nɛra baa jaa Kooro Nebukadnesa aa laɡ ba le Jerusalam dɛ kaa ba ne Babelɔn la bini waa do.

Jeremia 29:2

N chwerɛ tɔn nɔ ɡɛ saŋ baa lawɛ Kooro Jehoiachin ne o nya ne koodem nomonome, ne Juda ne Jerusalam nomonome, ne nɛra baa dɔ kwaa sɛɛh wejema, dɛ banɔ la baa dɔ kwaa bwa soo siwi ɛɛ wejema laa ta kaa harɛfale ta la.

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Ɛsekeɛl 17:4

dɛ kuu, dɛ kpɔ kaa bonadiire harɛ ta dɛ ka chɔɔro o bwɛjen bɛl ta.

Ɛsekeɛl 19:9

Ba kpɔ ɡoŋa lawɔ, dɛ doo buo bini ka tɛ Babelɔn kooro. Ba doo dea, baa o sii no Israel deŋɡarere ta kpa.

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

Emɔs 7:1

Nemenɛ Korowii ɡelɔ men Emɔs na waane wepila ta. N nao kɛŋɔ waa dɛ boa tontombɛ nyoa, ɡɛ saŋ dɛ ba teŋe kpɔɡa ba kpɔa dɛɛ tɛ kooro jaɡre tonɛ, kpɔɡa pa mun dɛɛ moɡɛ, asɛ nɛra pa mun dɛɛ du konfala.

Emɔs 7:4

Nemenɛ Korowii ɡelɔ n na waane wepila ta ja. N nao kɛŋɔ waa kpɔ nii dɛɛ ba ba fuh harɛ la, dɛ́ kpɔ tɛr o nɛra deŋne. Nii la fuoh dɛ hweeh viljena bwa, dɛ fuh dɛɛ ba ba chɔɡ harɛ ɡe.

Emɔs 7:7

Korowii ɡelɔ men Emɔs na waane wepila ta ja. Dɛ Korowii cheɡɛ danjwɛɛ bɛl baa mao jwɛh, dɛ kpoŋe ŋwɛn baa kpɔa dɛɛ toɡre danjwɛ.

Sekaria 1:20

Belaa Korowii baɡ mɛ loɡra banaarɛ bane ɡe.

Sekaria 3:1

Wepila ane ɡe ta, Korowii baɡle men Sekaria Sɔfonomoa Josua o che Korowii nyundua torome bɛl sie. Asɛ Bɔnsam ɡe ba che Josua diɡ ta dɛɛ ba waa kpɔe dawɛ o nɛ.