Jeremia 23:5 - mzwDBL

⁵ Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Jeremia 23:5 Iomraidhean Croise

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

Yela 45:4

Che kan haa doa ta ka yo, dɛ́ pɔ he dɔma nɛ, dɛ́ kpɔ kasinteŋ ne toɡra he wa aa toɡra, bol waa dɛɛ pa bole. He kpeɡri kohona ɛɛ ɡeloo hé pɔ he dɔma nɛ.

Yela 80:15

haa kpɔ yaa ba so bonɔ, dɛ ɡel ya mun ya kohona nɔ.

Yela 99:4

Korowii ɛ kooro, dɛ dɔ kpeɡri kohona, dɛɛ nyin waa aa toɡra, o ɡelɔ kasinteŋ do Israel harɛ ta. O ba wa aa toɡra dɛ do wer ne.

Aesaya 33:5

Korowii kan taeh, o soɡe nyundua tenten. Wɛɛ ɡeloo kasinteŋ ne waa aa toɡra su Jerusalam.

Aesaya 4:2

Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Aesaya 42:6

“Men Korowiirii yerɛ, dɛ tɛɛ kpeɡri ŋɔ hɛɛ ɛ waa aa toɡra harɛ nɔ ta. He nɛɛ aa ba cheɡa ásɛ n ne nɛwɛnyina bwa fɔwɛ fɔo, dɛ́ do kɛŋɔ kandea dɛ́ tɛ harɛre nɛra.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Aesaya 52:13

Korowii ŋɔ, “N bonɔɔ ɛɛ won ɛ toma maa kpɔa do o nɔn ta la tonɛ, baa duuruu taeh, dɛ́ ɡel o sɔn le.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Aesaya 53:2

Korowiirii ɡela o bonɔɔ kpeɡ o sie, dɛ do kɛŋɔ daa waa le harɛ hole ta. O ta nyanyini ne wer dɔe yá pɛla lawɔ, o wobɛlbwa ta silɛɛ dɔe yá nyinu.

Aesaya 9:5

Laala baa doa dɛɛ yo laa, ne kon te bɛlbwa chal aa ɛo la, baa kpɔa do nii ta a fuh, baa kpɔa mar nii.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 22:15

He do dem dɛ kpɔ peleme daa kwaaro waa, anee dɛ́ ɡel nɛra ŋɔ he ɛ kooro kɛɛ? Kondikwaa ne sen fa ta he mɛɛ nyae, kɛ o ɛ anɔ la aa wera dɛ toɡre, anomanta, o wobɛlbwa wer dɛ tɛo.

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 22:30

Waa Korowii aa dɛ bol laanee nɔ. ‘Chwerɛ baa nɔ waa do tɔne bini, dɛ́ kpɔɔ kɛŋɔ o ta bii dɔe, nɛn o wobɛlbwa aa wola werii do tɛo o soɡa bini bwa, waa naanaree dɔ, ba ba so Juda harɛ kara ta, Kooro Devid luɡe ta.’ ”

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Jeremia 29:11

Dɛkalkɛ n jemɛ anɔ la maa vɔrɔwa dɛɛ cheɡ heya. Vɔrɔwa aa ɡel he wobɛlbwa do wer, haa wola chɔɡ, ásɛ he dɔ kerekere hwɛɡa.

Jeremia 30:3

Tɔpera ane dɛ ba, ásɛ n lawɛ n nɛra Israel ne Juda tena le harɛfala ta, dɛ́ berɛ kpɔ ba ba harɛ maa kpɔa tɛ ba naawa ŋɔ ba konee la ta. Men Korowiirii bola.”

Jeremia 30:9

Baa tomɛ men Korowii baa dɛ tom mɛ laanee, ne Kooro Devid naa maa leo tɛɛ ba, wɛɛ di kora ba nɛɛ la.

Jeremia 31:27

“Men Korowii bolɔ ŋɔ, tɔpera ane dɛ ba ásɛ n ɡel nɛra ne kondɛɛra ba su Israel ne Juda harɛ bwa ta.

Ɛsekeɛl 21:27

Mɛɛ chɔɡ bwɛjen laanee, dɛ́ chɔɡo chɔɡa ɡbaɡba! Kɛ wɛɛ do lee ka tel kɛŋɔ nɛn maa leo ŋɔ ó ba tɛr o bini nɛra deŋne aa ba, mɔɔ ń kpɔɔ do o nɔn ta.’ ”

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Ɛsekeɛl 34:29

Mɛɛ tɛɛ ba harɛpare ondɛɛɡee ba kondikwa won ɛ, dɛ́ ɡel lɔr ba a jaɡa harɛ la ta. Harɛre ane nɛra aa ban mamɛ kpa.

Ɛsekeɛl 45:8

Gɛ harɛ nɔɔ dɛ́ ɛ kooro la kon Israel harɛ ta, ásɛ n koranar aa n nɛraa dɛɛ fiiɡi kpa, dɛ́ tɛ Israel dea bɛlbwa ŋwɛnɛ ó dɔ o harɛ ɡɛ aa chɛa.”

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Sekaria 3:8

Sɔfonomoa Josua, he ne he bala sɔfore baa ja he nɛɛ la, hé no. He cheɡɔɔ tɛ wedɛɛɡa aa dɛ ba bala kerekere. N dɛ ba n bonɔɔ baa dɛ yerɔ Daa Kpale ne.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Matiu 2:2

dɛ ba bɔɔ bela tena ŋɔ, “Leperaa Juu tena kooro baa lolɔ taraken la dɔɔ? Ya na wewee bɛl wee leebɔr ya bwɛɛ o baɡle kɛŋɔ ba lolɔ. Anee ya ba dɛ́ ba duuru.”

Amanesoma Jɔn Aa Chwera Tɔn 1:45

Felep ɡe kaa na Nataaneɛl, dɛ ŋɔ o be ŋɔ, “Ya na naate Mosis aa chwerɛ o waa Korowii Tɔn bini la. O waa Korowii keamere la ɡe chwerɛ la. O sɔne Yeesu. Josef waa le Nasarɛt la biee.”

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Hibru 8:8

Kɛ Korowii nao kɛŋɔ o nɛra chɔɡ fɔobene la, a waa o ŋɔ, “Saŋ bɛl ɛɛ bao, ásɛ n ne Israel ne Juu tena fɔwɛ fɔofale bɛl.

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.