Jeremia 23:4 - mzwDBL

⁴ Mɛɛ berɔɔ le sitɔɔla baa nyiŋi ba nɛ, ásɛ bɛlbwa aa ɔmɛ kɛɛ dɛ́ nyoɡre kpa. Men Korowiirii bola.”

Jeremia 23:4 Iomraidhean Croise

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”

Ɛsekeɛl 36:11

Mɛɛ ɡeloo nɛra ne kondɛɛra ya kohona, dɛ́ ɡel he berɛ ba so ɡɛ he fa aa soɡa wubwa la, ásɛ he wobɛlbwa do wer tɛ heyaa ɡwaa saŋ la kwara. Belaa hɛɛ ba jema kɛŋɔ menee Korowii.

Lewi Dea Tena 26:9

Mɛɛ nyiŋi he nɛɛ dɛ́ ɡel he mun ya kohona, ásɛ n ne he fɔo yaa fɔwɛ la che.

Maeka 4:4

Bɛlbwa ɛɛ so deŋnesɔɔhna taa, asɛ daa kooni ne fiɡ daa kooni baro cheme, nomɛlbwa aa wola won ba aah ba kpa. Koranar Bwa Kooroo bola.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Sefania 3:13

Israel tena baa ka harɛ la ta la aa wechɔɡaa ɛ, kɛɛ dɛ́ teŋe nyosone, kɛɛ dɛ́ neɡre ba dɔŋa. Baa dɔ komɛlbwa baa dɛ nyinii ba deŋna sɔɔh ba, baa wola nomɛlbwaa ɔmɛ.”

Nɛra Kura 31:49

dɛ ka ŋɔ, “He bonɔɔna baa kure laa tena baa lɔ ya nɔn ta, beŋkpoŋ kwaraa ta nyoɡrɛ.

Amanesoma Jɔn Aa Chwera Tɔn 17:12

N fa aa lɔ ba be la, n kpɔ sɔn haa tɛ mɛ la kpeɡri tɔ ba nɛ, ba bɛlbwa ta n nɔn ta nyoɡrɛ, nemenɛ onɔ la baa chwerɛ o waa he Tɔn bini ŋɔ wɛɛ nyoɡroo la, o ɡbosoroo nyoɡra, ásɛ he Tɔn bini waa la ɛ kpela.

Amanesoma Jɔn Aa Chwera Tɔn 18:9

Gɛ aa ɛ asɛ waa o fa aa bol o Mɛɛ be la ɛ kasinteŋ kɛŋɔ o fa aa ŋɔa ŋɔ, “N Mɛɛ, nɛra haa tɛ mɛ la bɛlbwa ta n nɔn ta nyoɡrɛ” la, a waa o bol ɡɛ.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.