Jeremia 22:9 - mzwDBL

⁹ Ásɛ nɛra bane ɡe chaŋe ŋɔ, ‘Baa vɛh fɔo ba ne Korowii baa dɛ tomɔ aa fɔwa, dɛ berɛ kaa tomɛ voɡare ane, dɛɛ duura la waa.’

Jeremia 22:9 Iomraidhean Croise

1 Koranar 9:8

Dea nɔ dɛ ba kuuɡa chɔ, ásɛ nomɛlbwa waa teŋe ba kaa la nyoa kpo o bwara yɔr ó ŋɔ, ‘Bɔkwa waa ɡela Korowii ɛ harɛ nɔ ne Dea nɔ ken?’

2 Koranar 22:17

dɛkalkɛ ba vɛɛh mɛ, dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

2 Webena 34:25

dɛkalkɛ ba vɛɛh mɛ dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

Jeremia 11:10

Ba charɛ ba liire dɛɛ ɛ ba naawa wechɔɡa baa ɛa la, dɛ vɛh n waa ta teŋa. Ba kaa teŋɛ voɡare ane nɛɛ dɛɛ toma. Israel ne Juda tena bwa chɔɡ fɔo n ne ba naawa aa fɔwa la.

Jeremia 11:3

Ŋɔ ba be ŋɔ men Korowii Israel tena aa dɛ tom mɛ ŋɔ, nomɛlbwa waa wola waa aa lɔ fɔo nɔ ta teŋɛ la, nyotaahna lawɔ.

Jeremia 16:11

Asɛ he ŋɔ ba be ŋɔ, ‘He naawa aa berɛ habɔɔ kpo men Korowii dɛ ka teŋɛ voɡare nɛɛ dɛɛ toma la waa. Ba vɛɛh mɛ dɛ ɡel me Mmarare ta teŋa,

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Jeremia 9:13

Anee Korowii chaŋe ŋɔ, “Baa vɛh n webaɡla maa kpɔa tɛɛ ba la waa, ba ta duure kpɔe tɛ mɛ, kɛɛ dɛɛ teŋɛ me Mmarare ta.

Ɛsekeɛl 12:16

Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”

Ɛsekeɛl 14:23

Hɛɛ nao kɛŋɔ aŋwɛnɛ taa n ɛɛ ba ɡɛ. Men Nemenɛ Korowiirii bola.”

Ɛsekeɛl 39:23

Harɛre ta nɛra ɛɛ jemɔɔ kɛŋɔ, Israel tena wechɔɡa baa ɛa laanee ɡela ba dɔma laɡ ba laa ta kaa bojaŋ harɛfale ta, dɛkalkɛ ba le n habɔɔ. N laa sie kpɔ ba nɛɛ dɛ kpɔ ba do ba dɔma nɔn ta, ba kpoo ba keri ne.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Mmarare 29:24

Ásɛ harɛ nɔ ta nɛra bwa ŋɔ, ‘Ɛrɛ waa Korowii baah di kohona o ɛ harɛ nɔ ken nɔɔ?’