Jeremia 21:9 - mzwDBL

⁹ Nomɛlbwa soɡe bwɛjen nɔ ta naa, baa kpoo laa taa, kɛɛ weechɔɡa ne lɔr ɡel o sewɛ. Kɛ bɛlbwa waa kpɔ o te ka do Babelɔn tena baa chɔa bar heyaa nɔ lɔɡa te ɛɛ dɔ o nyuu.

Jeremia 21:9 Iomraidhean Croise

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

Jeremia 24:10

Laa ne lɔr, dɛ weechɔɡaa mɛɛ ba kpɔe ba ta ba nɛ, ka tel kɛŋɔ beŋkpoŋ kwaraa aa wola ka, harɛ maa kpɔa tɛ ba ne ba naawa la ta.’ ”

Jeremia 27:11

Kɛ dɛ harɛ bɛlbwa nɛra kpɔ ba te ka do Babelɔn kooro lɔɡa dɛɛ tomɔ waa, ate mɛɛ ɡeloo ba so ba ɡbaɡba harɛ ta, dɛɛ parɛ o ta. Men Korowiirii bola.”

Jeremia 27:12

Men Jeremia fa tɔ sie bol ɡɛ waa nɔ tenten baɡle Juda Kooro Sedekia ŋɔ, “Kpɔ he te do Babelɔn kooro lɔɡa. He ne he nɛra tomɔ ásɛ dɛ dɔ he nyu.

Jeremia 27:13

Ɛrɛɛ chɛ kɛ he ne he nɛra sewɛ laa ta, kɛɛ lɔr kɛɛ weechɔɡa kpoo heya ɔ? Gɛ waa nɔɔ Korowii ŋɔ aa pu harɛ bɛlbwa nɛra baa vɛah dɛ kpɔ ba te do Babelɔn kooro lɔɡa la.

Jeremia 38:2

“Waa Korowii aa dɛ bol laanee nɔ. Nomɛlbwa waa so bwɛjen Jerusalam ta la, laa kɛɛ lɔr kɛɛ weechɔɡaa dɛɛ ba o kpoe. Kɛ banɔ la baa kpɔ ba te ka do Babelɔn tena lɔɡa la ɛɛ dɔ ba nyuu, baa wola sewɛ.”

Jeremia 38:3

Korowii berɔ bol ŋɔ, “N dɛ ba bwɛjen nɔ nɛra kpɔe do Babelɔn Kooro ne o laa tena nɔn ta, ásɛ ba yoo ba, dɛ́ pɔ ba nɛ.”

Jeremia 39:18

Mɛɛ kpɔ nɔnee tɔ he nɛ, baa wola won kpoe. Hɛɛ chwao dɛ lɛ he nyu, dɛkalkɛ he kpɔ he te dawɛ n nɛ. Men Korowiirii bola.’ ”

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.