Jeremia 21:6 - mzwDBL

⁶ Wɛɛ kpo nomɛlbwa waa soɡe bwɛjen la binii, nɛra ne ola bwa, ásɛ weechɔɡa kpoo ba bwa.

Jeremia 21:6 Iomraidhean Croise

Mumpar 6:7

“Mɛɛ chɔɡ nɛwɛnyina maa taa bwaa, ne ola ne jumbii ne kwaa aa dɛ tuuɡi tea ta ne anɔ la aa dɛ huuh bwa, dɛkalkɛ a dɛ we n nɛɛ kɛ maa taa.”

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 20:4

Waa Korowii aa dɛ bol laanee nɔ. ‘N dɛ ba ɡela a che he nɛɛ ɔmee chole he ne he daamanar bwa nɛ, ásɛ ba dɔma kpoo ba laa ta he siwi ta. N dɛ ba Juda tena bwa kpɔe do Babelɔn kooro lɔɡa. Wɛɛ lawɛ banee kaa o harɛ ta dɛ́ kpoo bane ɡe.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 33:12

Koranar Bwa Kooro ŋɔ, “Harɛ nɔ waa do kɛŋɔ pua hɛŋle ɡbo harɛ nɛra kɛɛ kondɛɛra aa wola toole o ta nɔ, saŋ bɛl ɛɛ bao ásɛ peteɡra dɔ dibɔra tɛ ba peera a kaa di.

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Jeremia 36:29

Korowii berɔ ŋɔ ń bol Juda Kooro Jehoiakim be ŋɔ, “He fuh tɔn la, dɛɛ bɔɔ Jeremia ɡɛ aa ɛa o chwerɛ ŋɔ Babelɔn kooro ɛɛ bao ba chɔɡ he harɛ nɔ, dɛ́ kpoo nɛra ne kondɛɛra bwa aa lɔ o ta.

Jeremia 42:22

Anomanta, hé lii waa nɔ. Laa ne lɔr, dɛ weechɔɡaa dɛ́ kpoo heya, harɛ haa dɛ nyin he ka so o ta la ta.”

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Ɛsekeɛl 12:16

Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”

Ɛsekeɛl 14:13

“Nɛwɛnyini bie, dɛ harɛ bɛl tena waa ta kasinteŋ dɔe tɛ mɛ dɛɛ ɛɛ mɛ wechɔɡa aa, mɛɛ kpɔ nɔnee dawɛ ba nɛ, dɛ́ tɔ ba kondikwaa ŋwɛnɛ. Lɔr chole ba nɛ, ásɛ nɛra ne kondɛɛra bwa serewe.

Ɛsekeɛl 14:17

Kɛɛ dɛ n kpɔ laa tena ba harɛ la ta tena nɛ, ba kpɔ dɔmkwaa ba kpoo nɛra ne kondɛɛra bwa le o ta,

Ɛsekeɛl 14:19

Kɛɛ dɛ n kpɔ weechɔɡa ta ba harɛ la ta, dɛ kpɔ bandia kohona kpoo nɛra ne kondɛɛra bwa,

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 33:27

Ŋɔ men Nemenɛ Korowii ŋɔ, ‘Ń ŋwɛɛrɔ kɛŋɔ n taa lole nɔ, baa kpoo nɛra baa kaa dɛ ta so bwɛjena aa paɡra la ta bwaa. Banɔ la baa chwaa ka so kpɔɡ bini la, kpɔɡ bini olchɔɡaa dɛ́ di ba ola, ásɛ weechɔɡa kpoo banɔ la ɡe baa chwaa ka so dekpeɡa ne bwebɔɔne bini.

Ɛsekeɛl 33:29

N ɡelɔ harɛ la chɔ pɛɛ waa maa kia ba ɛ la wa aa, baa jemɔ kɛŋɔ menee Korowii.’

Ɛsekeɛl 7:15

He leɔ kɛrɛ aa, he lɔ laa ta, he berɔ so dem ɡe aa, he ne weechɔɡa ne lɔree. Laa taa banɔ la baa lɔ kpɔɡ bini ɛɛ ba serewa. Banɔ la ɡe baa lɔ bwɛjen la ta la, weechɔɡa ne lɔree dɛɛ ba ba kpoora.

Hosia 4:3

A ɡɛ nomanta, harɛ la holɔ dɛ chɔɡ, ásɛ kwaa aa lɔ o ta bwa serewe. Kpɔɡ bini ola ne jumbii dɛ mpo bini pɛŋa bwa dɛ serewe.”

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Sefania 1:3

Mɛɛ chɔɡ nɛwɛnyina ne ola bwaa, ne jumbii aa dɛ ɡah nyundua, ne mpo bini pɛŋa bwa. Nɛnchɔɡa ɛɛ daŋɔɔ chɔ kɛŋɔ dea aa chola chɔ ken, dɛ́ chɔɡ nɛwɛnyina bwa, nomɛlbwa aa wola ka. Men Korowiirii bola.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.