Jeremia 21:1 - mzwDBL

¹ Korowii bol waa Jeremia be ɡɛ saŋ Juda Kooro Sedekia aa tomɛ Malkija bibaa Pasur, ne Maaseya bibaa sɔfo Sefania o be. Ba ŋɔ,

Jeremia 21:1 Iomraidhean Croise

2 Koranar 22:13

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

1 Webena 3:15

Josia dɔ bibaala banaarɛ, banee, Johanan ne Jehoiakim ne Sedekia dɛ Salum.

1 Webena 9:12

Jɛroham bibaa Adaya, ne Pasur bibaa Jɛroham, ne Malkija bibaa Pasur, ne Adeɛl bibaa Maasai, ne Jasera bibaa Adeɛl ne Mɛsolam bibaa Jasera, ne Mɛselɛmet bibaa Mɛsolam, dɛ Ima bibaa Mɛselɛmet.

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Nehemia 11:12

Dɛ ba bwa lɔ lafraanuatoro fifraanɛ dɛ banɛ, dɛ le sɔfore dea dɛɛ ɛ toma Korowii Dea. Jɛroham bibaa Adaya o nabaa sɔne Pɛlalia. O nabaala bane ɡee, Amsi ne Sekaria ne Pasur dɛ Malkija.

Jeremia 29:25

waa chwerɛ tɔn o sɔn ta ka tɛ nɛra baa lɔ Jerusalam bwa, ne sɔfo Maaseya bibaa Sefania dɛ sɔfore baa kaa bwa be. Tɔn la bini la, o bol Sefania be ŋɔ,

Jeremia 29:29

Anee sɔfo Sefania kure tɔn la bini waa baɡle men Jeremia.

Jeremia 35:4

dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ.

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Jeremia 37:17

A habɔɔ la, Kooro Sedekia tomɔ ba ba yer mɛ ba o be koodem. Asɛ o bɔɔ mɛ bokɛre ŋɔ, “Waane lole dɛ le Korowii be tɛ yaa kɛɛ?” Anee n chaŋe ŋɔ, “Waane lole, baa lawɛɛ tɛ Babelɔn kooro.”

Jeremia 37:3

Belaa Kooro Sedekia tomɛ Sɛlɛmia bibaa Jehukal, ne Maaseya bibaa sɔfo Sefania ŋɔ ń che ba naa ta soŋe Korowii yaa dɛ tomɔ la tɛ ya harɛ nɛra.

Jeremia 37:7

ń bol Juda Kooro Sedekia be ŋɔ, “Ijipt laa tena lɔ ŋwɛnɛ ta dɛɛ ba bá cha heya, kɛ baa berɔɔ kaa ba harɛ ta.

Jeremia 38:1

Dɛ Matan bibaa Sɛfatea ne Pasur bibaa Gedalia ne Sɛlɛmia bibaa Jehukal dɛ Malkija bibaa Pasur dɛ no waa men Jeremia yon bol dɛɛ baɡle nɛra dɛɛ ŋɔ,

Jeremia 38:14

Ate, Kooro Sedekia tomɛ ŋɔ bá ka yerɛ men Jeremia ba doonyotooro te waa lɔ Korowii Dea bela la ta, asɛ dɛ ŋɔ n be ŋɔ, “N dɛ ba hen waane bɔɔra, kɛ na kɛŋɔ haa wobɛlbwaa kpɔ sɔɔh mɛ.”

Jeremia 52:24

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.