Jeremia 20:4 - mzwDBL

⁴ Waa Korowii aa dɛ bol laanee nɔ. ‘N dɛ ba ɡela a che he nɛɛ ɔmee chole he ne he daamanar bwa nɛ, ásɛ ba dɔma kpoo ba laa ta he siwi ta. N dɛ ba Juda tena bwa kpɔe do Babelɔn kooro lɔɡa. Wɛɛ lawɛ banee kaa o harɛ ta dɛ́ kpoo bane ɡe.

Jeremia 20:4 Iomraidhean Croise

2 Koranar 25:7

Ba kpoo Kooro Sedekia bibaala o siwi ta, dɛ foromi o ɡe sibie, dɛ doo ayaawa jɔɡrɔre, dɛ kpɔɔ kaa Babelɔn.

Yela 73:19

Ba chɔɡɔ buɡ la ta, dɛ sewɛ seo wɔb.

Jeremia 13:10

Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.

Jeremia 13:19

Baa tɔɔɡe Juda weekaŋle harɛbɔr bwɛjena ɡbenii baa wola won yaa, dɛkalkɛ ba dɔma baa chɔ bar bwɛɛ la. Baa lawɛ Juda tena bwaa kaa bojaŋ harɛfala ta.

Jeremia 19:15

“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”

Jeremia 20:6

Kɛ hen Pasur te, baa lawɛ he ne he dem tena bwaa kaa Babelɔn harɛ ta. Belaa hɛɛ ba sewa bá huɡe, he ne he bala haa teŋe nyosone kohona tɛɛ ba la bwa.’ ”

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 29:21

Waa men Koranar Bwa Kooro, Israel tena aa dɛ tom mɛ aa dɛ bol Kolaya bibaa Ahab, ne Maaseya bibaa Sedekia waa nɔ. N ŋɔ, ‘Ba cheɡɛ n sɔn ta dɛɛ teŋe nyosone anomanta, mɛɛ kpɔ baa do Babelɔn Kooro Nebukadnesa nɔn ta, ásɛ o kpoo ba he siwi ta.

Jeremia 46:5

Bɔkwaa mɛɛ na nɔɔ? Ɔmee kohona chole Ijipt laa tena nɛɛ ba le habɔɔ chwa dɛɛ kaa. Babelɔn laa tena yoo ba dɛ pɔ ba banyoola nɛ. Ba kpɔ bochela chwa dɛɛ le, bɛlbwa aa kee dɛɛ nyiŋi, ɔmee kohona su ba bwa. Men Korowiirii bola.

Jeremia 52:24

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.

Jeremia 52:27

Ribla waa lɔ Hamat harɛ taa Babelɔn koojen ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Jeremia 6:25

Yaa won ŋɔ yaa leo kaa dahare, kɛɛ dɛ ka valɛ ŋwɛnɛre ta, dɛkalkɛ ya dɔma kpɔ ba te dɛ kpoŋe ba dɔmkwa, asɛ ɔmee kohona bar yaa cheme.”

1 Samoɛl 2:33

He naanar bini beŋkpoŋii mɛɛ ba ɡela o ɛ n sɔfo. Kɛ mɛɛ ɡeloo ó nyoŋe, o bambile chɔɡ, ásɛ he naanar baa kaa bwa piɡri serewe laa ta ba bonɔɔne saŋ.