Jeremia 2:7 - mzwDBL

⁷ Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Jeremia 2:7 Iomraidhean Croise

Nehemia 9:25

He nɛra yoo dɛ pɔ bwɛjena baa ma danjwɛkpeɡa bara nɛ, ne harɛpare ondɛɛɡe, ne deremi kondɛɛɡa bwa soo siwi aa lɔ a ta, ne bɔɔne baa kwia a won nee lɛɛ, ne ɡrepo daa kooni ne ɔleve daa kooni, dɛ daa baa dɛ di a nɔna bwa soo siwi aa wara. Ba diu vaɡre dɛ je, ba sie lɛ kondɛɛɡa kohona haa tɛɛ ba la wa.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Aesaya 19:25

Koranar Bwa Kooro ɛɛ swee andɛɛɡaa tɛɛ ba dɛ́ ŋɔ, “Ijipt tena baa ɛ n nɛra, ne Asiiria tena maa ta ba, dɛ Israel tena maa lee ba tɛ n te la, ba na som.”

Jeremia 16:18

Dɛ wɛɛ bɔ ba kem bele anɛɛ, ba nyubinikpeɡ ne wechɔɡa baa ɛa la wa, dɛkalkɛ ba teŋɛ voɡare waa kia aa wola mkpa dɔe nɛ, a su harɛ la bwa dɛ kpɔ doŋa kaoh.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Jeremia 3:2

Hé ha sie dɛ́ nyiŋi deŋɡarere dor! Bobɛl lole haa wola jwamane ka bɔe yaa? He yon so ŋwɛnɛ nyoa dɛɛ kpa baala kɛŋɔ nɛra baa soɡe pua hɛŋle ɡbo harɛ ta, dɛɛ ɡaaɡe ken. He cheɡɛ nyubinikpeɡ ne jwamane ta, dɛ kpɔ doŋa kah harɛ la.

Jeremia 3:9

Aa wola Juda hae kɛ Israel waa waa ɛa ɛ wechɔɡa la, o bɔ jwamane dɛ kpɔ doŋa kah harɛ la, dɛ berɛ kaa tomɛ voɡare baa kpɔ daa ne bwea ɛa.

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Jeremia 32:30

Israel ne Juda tena ta wobɛlbwa ɛɛ ka ja wechɔɡa baa ɛa dɛ le ba bechale saŋ n sie. Kasinteŋ, kwaa ba ɡbaɡba aa ɛa nɔɔra nee ba kpɔ muɡli n baah.

Ɛsekeɛl 20:24

dɛkalkɛ ba vɛh n wa, ne me Mmarare maa kpɔa tɛɛ ba la ta teŋa, dɛ chɔɡ n Ona Tɔpera la, dɛ tomɛ voɡa la tenten ba naawa aa toma la.

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Ɛsekeɛl 23:35

Kenii men Nemenɛ Korowii ɛɛ bol hen Oholiba be. Haa soh n waa dɛ berɛ habɔɔ kpo mɛ nomanta, hɛɛ dɔ deŋnetɛra he pɛlchɔɡa ne he jwamane la waa.”

Ɛsekeɛl 36:17

“Nɛwɛnyini bie, Israel tena fa aa soɡe ba harɛ ta la, ba cheɡɛ ba da ne ba we-ɛɛla ta, dɛ kpɔ doŋa kah harɛ la dɛ chɔɡo. Ba we-ɛɛla do kɛŋɔ haah waa le dahara n be.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Maeka 2:10

Hé ir dɛ kaa, bonɔ ta bɔr haa so onɛ ɛɛ, dɛkalkɛŋɔ he ɡelɔ harɛ la kah doŋa. O chɔɡɔ baa wola won kwaaro kpa.

Nɛra Kura 13:27

Ba ŋɔ Mosis be ŋɔ, “Ya laŋɔ ka nyiŋi harɛ haa tomɛ yaa o ta la. Kasinteŋ, o ɛ harɛ waa soma dɛ won kondikwaa ɛɛ kohona. Daa nɔna aa le o taa la.

Mmarare 21:23

he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

Mmarare 32:9

Dɛkalkɛ Jekɔb naanar te, Korowii ɡbaɡba lee ba dɛ kpɔ ba ɛ o nɛra.

Mmarare 6:18

Hɛ́ɛ ɛ anɔ la Korowii aa ŋɔa a wer dɛɛ su o siwi, ásɛ a chiɡ heyaa kɛrɛdɛ he won lɛ harɛdɛɛɡe waa baɡɛ he naawa nyoa dɛ ŋwɛɛ o waa la wa,