Jeremia 2:5 - mzwDBL

⁵ Waa Korowii aa dɛ bol laanee nɔ, “Bɔkwa waa n ne he naawa dɔ, asɛ ba vɛɛh mɛ dɛ berɛ habɔɔ kpo mɛ nɔɔ? Ba teŋɛ voɡa aa wola tɔnɔ dɔe nɛɛ dɛ berɛ nɛnsale.

Jeremia 2:5 Iomraidhean Croise

2 Koranar 17:15

Ba vɛh waa Korowii aa do ba a ta la, dɛ vɛh fɔo o ne ba naawa aa fɔwa, ne kaeh waa kah ba la. Ba teŋɛ voɡa aa ɛ konsale nɛ, dɛ ɡbabir ɡe ɛ nɛnsale. Ba chaa harɛre aa bar ba la nɛra nawee we-ɛɛla, dɛ kpɔ ba da. Dɛ Korowii ŋɔ ba be ŋɔ, “He bɛ ɡɛ baa dɛ ɛ la ɛ.” Kɛ ba ɡarɔ ɛ ɡɛ Korowii aa kah ba ŋɔ ba bɛ ɛ la.

Yela 115:8

Nɛra baa kwaara ne nɛra baa kpɔ ba te dawɛ a nɛɛ bwa ɛɛ ɛ beŋkpoŋii.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Aesaya 44:9

Nɛra baa dɛ ma voɡa kɛɛ dɛɛ sɛah la dɛ ɛ wepuu, kwaa ba sie aa dɛ lɛ a ta la ɛ konsale. Nɛra baa dɛ tomɛ voɡa nɔ, ba do kɛŋɔ nɛra baa nyoŋa ken, baa wobɛlbwa jemɛ, baa di sihiih.

Aesaya 46:12

Hé no n be, deŋnekpeɡ tena, he ne waa aa toɡra baah jaŋne.

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Jeremia 12:2

Ba do kɛŋɔ daa he kpɔ ba du, he nyiŋi ba nɛɛ ba kpeɡ dɛ dɔ lune dɛɛ nɔnɛ. Ba nyoo ɡbo nee baa kpɛɛre, kɛ he waa toole ba bambile bini.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Jeremia 2:4

Jekɔb naanar, hé no Korowii wa, Israel deene bwa, hé no.

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Ɛsekeɛl 11:15

“Nɛwɛnyini bie, nɛra baa soɡe Jerusalam dɛ bol he ne he bala Israel tena baa lawɛ heyaa laa ta kaa harɛfale ta la waa ŋɔ, ‘Nɛra baa laɡ ba kaa Babelɔn la ne men Korowii baah jaŋne kɛŋɔ ba won tom mɛ, dɛ ŋɔ banee Israel harɛ la ɛ ba kon.’ ”

Ɛsekeɛl 14:5

Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’

Jona 2:8

Nɛra baa daŋre voɡsale toma ne, ba siwi ɛɛ sua la, ba paŋɛ chae he fe aa cha ba la.

Matiu 15:8

‘Nɛra nɔ te, nyoa ɡbo nee baa duu mɛ, kɛ ba tea bini te ta toe.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Tɔn Pɔɔl Aa Chwerɛ Rom Tena 1:21

Nɛwɛnyini jemɔ kɛŋɔ Korowii lole, kɛ baa on duu ɡɛ aa chɛ kɛ baa duuru. Baa jam kpɔe dɛɛ tɛo. Nɛwɛnyini wechɔɡa ɡelɔ ba wili, ba ta liire dɔe kpa.

Mmarare 32:21

Ba ɡelɔ mɛɛ meeh voɡa aa wola tɔnɔ dɔe hɛɛ toma la, n bwaawee ir ba voɡpuune nɛ. Anomanta, mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.

1 Samoɛl 12:21

Hé laa sie kpɔ voɡa ta. Wedɛɛɡa bɛlbwa toole a toma ta. Aa won lɛ heya, a wobɛlbwa ɛ wepuu.