Jeremia 2:21 - mzwDBL

²¹ He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?

Jeremia 2:21 Iomraidhean Croise

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Yela 105:6

he Abraham naanar, haa ɛ Jekɔb bibaala waa le heyaa tɛ o te la.

Yela 44:2

He kpeɡri nee he doŋi harɛre nɛra, dɛ kpɔ ya naawa ka so ba harɛ la ta. He chɔɡ ba, dɛ ɡel ya naawa wobɛlbwa do wer tɛɛ ba.

Yela 80:8

He lawɛ yaa le Ijipt harɛ ta, kɛŋɔ haa teŋe ɡrepo da, dɛ ba doŋi harɛ la nɛra le o ta, dɛ kpɔ yaa chɔɔ bela.

Yela 80:9

He parɛ daa waa cheɡa tɛ he nɛra Israel tena la mun. O lune kaa bini, dɛ kpeɡ tɔ harɛ la bwa ta, kɛŋɔ he nɛra aa kaa so Keenan harɛ ba mun ya la ken.

Kaala 15:17

He kpɔ ba ka so he be bwe doa, bwe la doa waa ɛ he soŋnibɔr la, he ɡbaɡba Dea waa do ɡoroŋ he che he kpeɡri ta cheɡo la.

Aesaya 1:21

Bwɛɛ kasinteŋ diile fa aa lɔ o ta, taraken ba do kɛŋɔ haah waa le o jaa habɔɔ dɛɛ nyin baala ken. Nɛndɛɛɡa ɡboo fa o bwa, kɛ taraken nɛŋkpoa su o bwa.

Aesaya 27:2

Awola tɔpere la, Korowii ɛɛ bol o daa koo bɛl waa wera waa ŋɔ,

Aesaya 41:8

Kɛ he te, Israel tena haa ɛ n bonɔɔna, Jekɔb naanar maa le heya, n dam Abraham dwee,

Aesaya 5:4

A fe ta ka waane n fee ɛ daa la ta, asɛ n ta wone ɛ kɛɛ? N fe dɛ nyin kɛ a nɔnɛ nɔndɛɛɡa, aah bɔkwaa bera ɡel a nɔnɛ nɔnchɔɡa nɔɔ?

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Jeremia 11:16

N fa ŋɔ ba do kɛŋɔ ɔleve daa waa kpeɡa kohona dɛ dɔ papooni, asɛ nɔndɛɛɡa su o bwa, dɛ do wer. Mɛɛ ɡeloo peukpeɡ ta kerabeŋkpoŋ, ásɛ nii le o papooni ta, dɛ́ kuuɡi o kpala.

Jeremia 11:17

Israel ne Juda tena fa do kɛŋɔ daa men Koranar Bwa Kooro aa dua, kɛ taraken n liiro kɛ ń kpɔ wahala ba ta ba nɛ. Ba wechɔɡa waa a ɡɛ waa nɔ ɡure ba nyu ta. Dɛkalkɛ ba ɛ wechɔɡa dɛ jo n nɛ, dɛ kaa fuh daawiile voɡ Baal ta dɛɛ muɡli n baah.”

Jeremia 5:10

Mɛɛ ɡeloo dɔma ba teŋni n nɛra daa kooni nɔna ta, kɛ baa den chɔɡ a bwa kwaraa. Mɛɛ ɡeloo ba teŋni a kpala bwa ta, dɛkalkɛ ba cheɡɔ tɛ nɛra baa wola men jemɛ la.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Ɛsekeɛl 15:2

“Nɛwɛnyini bie, bɔkwaa ɡrepo da kpale kpɔ ɡwaa daa aa lɔ kɔr bini bɛlbwa kpale ɔ?

Matiu 21:33

A habɔɔ la, Yeesu berɔ ŋɔ, “Hé no sɛɡla nɔ ɡe. Baa bɛlee fa lole dɛɛ parɛ kwaane baa kpɔa dɛɛ daa sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela bá so o ta dɛɛ daah koo la, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Amanesoma Mak Aa Chwera Tɔn 12:1

Yeesu kpɔ sɛɡla bol waa baɡle nɛra la dɛ ŋɔ, “Baa bɛlee fa lole dɛɛ parɛ daa baa kpɔ a nɔna dɛɛ ɛ sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela, bá so o ta dɛɛ daah koo la, dɛ kpɔ nɛra báa ɛ koo la toma, a koma telaa, bá dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Amanesoma Luk Aa Chwera Tɔn 20:9

Yeesu kpɔ sɛɡla bol waa baɡle nɛra la, dɛ ŋɔ, “Baa bɛlee fa lole dɛɛ parɛ daa ane baa kpɔ a nɔna dɛɛ daa sen. O kpɔ nɛra baa ɛ koo la toma, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta dɛɛ tɛo, dɛ kaa harɛ bɛl ta, dɛ ka biɡri.

Amanesoma Jɔn Aa Chwera Tɔn 15:1

Yeesu berɔ sɛɡ ba ŋɔ, “Menee ɡrepo daa tenten waa dɛ nɔnɛ, asɛ n Mɛɛ ɡee paa la.

Mmarare 32:32

Ya dɔma la wechɔɡa do kɛŋɔ Sodom ne Gomoora tena wechɔɡa ken. Ba do kɛŋɔ daa nɔna baa kpɔa dɛɛ ɛ sen, dɛ do kpeli dɛɛ kpo ɡe.

Mmarare 4:37

Nyina waa dɛ nyin he naawa nomanta, o le heyaa tɛ o te dɛ che o kpeɡri kohona waa dɔa ta dɛ ɡbaɡba ja he nɛɛ dɛ le he ne Ijipt harɛ ta.

Josua 24:31

Israel tena la tomɛ Korowii le ɡɛ saŋ Josua ne baa lole bwa. Waa sewa habɔɔ kwaraa la, dɛ ba ta teŋɔ dɛɛ tomɔ, dɛkalkɛ dɛ nomonoma baa ja Josua nɛ dɛ na nyokpowaa Korowii aa ɛa tɛ Israel tena la bwa ta lole.