Jeremia 2:11 - mzwDBL

¹¹ Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Jeremia 2:11 Iomraidhean Croise

1 Koranar 11:33

Gɛɛ mɛɛ ba ɛɛ, dɛkalkɛ ba vɛɛh mɛ dɛ kaa tomɛ Sidon tena voɡhaah Astɔrɛt, ne Moab tena voɡ Kemɔs, dɛ Amɔn tena voɡ Molɛk. Ba ta n ŋwɛnɛre ta kpɔe, ba ta waa aa wera n be ɛɛ, kɛɛ dɛ teŋɛ me Mmarare ta kɛŋɔ Kooro Solomɔn mɛɛ Devid aa ɛa la.

2 Koranar 1:3

Kɛ Korowii nyundua torome bɛl ŋɔ Korowii keame Elaeja waa le Tisbe be ŋɔ, ó ka cheme Samaria kooro toroma la dɛ́ bɔɔ ŋɔ, “Korowii Israel tena aa dɛ tomɔ toole kpa, asɛ he berɛ dɛɛ la Ekron voɡ Baal Sibub ta ka bɔɔ le o be nɔ naa?

2 Webena 13:9

He laa doŋi Korowii sɔfore baa ɛ Arɔn naanar ne Lewi dea tena, dɛ berɛ le nɛra bane so ba buɡ ta, ɡɛ harɛre ane nɛra aa ɛa la aa? Nomɛlbwa ɛɛ won kpɔ nabale kɛɛ peera anuanɛ ba ŋɔ bá sɔ o doŋa ta, dɛ́ ɛo kerekpoŋri kwaa haa dɛ yera he voɡa la ta.

Yela 106:20

Ba kpɔ jirima baa kpɔ tɛ hen Korowii la, berɛ kaa tɛ kon o mar aa le nabale, waa dɛ chwe kpɔɡa.

Yela 115:4

Suuɡapoŋa ne suuɡaswɛm nee ba ɛ ba voɡare, nɛwɛnyinii kpɔ nɔɔra ɛa.

Yela 3:3

N Naa Korowii, henee dɛɛ tɔ mɛ ɡbemɡbe. N Naa Korowii, henee tɛ mɛ jirima, dɛ ɡel n dɔ hwɛɡa.

Aesaya 37:19

Ba pa ba voɡare do nii ta a fuh, dɛkalkɛ a ɛ daa ne bwea nɛn aa sɛah.

Jeremia 16:20

Nɛwɛnyina ɛɛ won kwaa voɡa tɛ ba te naa? Ɔɔh, kɛ a bwa ɛ konsale.”

Jeremia 18:13

Anomanta, waa Korowii aa dɛ bol laanee nɔ. “Bɔɔ harɛre nɛra ŋɔ, ‘Umee no waa nɔ dɔŋa kaɔ? Israel tena fe ɛ nɛndɛɛɡa, kɛ ba ɛ wedoŋa ne waa aa wola were kohona.

Jeremia 2:5

Waa Korowii aa dɛ bol laanee nɔ, “Bɔkwa waa n ne he naawa dɔ, asɛ ba vɛɛh mɛ dɛ berɛ habɔɔ kpo mɛ nɔɔ? Ba teŋɛ voɡa aa wola tɔnɔ dɔe nɛɛ dɛ berɛ nɛnsale.

Jeremia 2:8

Sɔfore ɡba ta bɔɔrɛ ŋɔ, ‘Leperaa Korowii dɔɔ?’ Nɛra baa dɛ baɡle me Mmarare ɡba ta men jemɛ. Nomonome la bwa ɛ deŋnekpeɡ dɛ vɛɛh mɛ. N keamere bol waa voɡ Baal sɔn ta, dɛ kaa teŋɛ voɡa aa wola tɔnɔ bɛlbwa dɔe nɛ.

Jeremia 5:7

Korowii ŋɔ, “Juda tena, ɛrɛ waa a chɛ kɛ ń kpɔ he wechɔɡa kɛ heya ɔ? He vɛɛh mɛ dɛɛ tomɛ voɡare a wa aa wola kasinteŋ dɔe. N tɛ heyaa komɛlbwa haa dɛ nyin, kɛ he ɡarɛ kaa bɔ jwamane, he ne hanjwamanere ɛɛ valɛ.

Ɛsekeɛl 14:5

Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’

Ɛsekeɛl 5:7

Anomanta, men Nemenɛ Korowii bolɔ ŋɔ he Jerusalam tena wechɔɡa ɡwaa nɛra baa bar heyaa cheme la. He ta me Mmarare ta teŋɛ, dɛɛ ɛ waa aa chɛ kɛŋɔ ń pa heyaa bolchɔɡe. He teŋɛ nɛra baa bar heyaa cheme la we-ɛɛla ta.

Maeka 4:5

Harɛre nɛra ɛɛ dɛɛ tomɛ ba voɡaree, kɛ ya te, Korowii yaa dɛ tomɔ waa taa yaa ba teŋa saŋ bɛlbwa dɛɛ la.

Tɔn Pɔɔl Aa Chwerɛ Rom Tena 1:23

Korowii te aa sewɛ bwa. Kɛ ba vɛh o toma, dɛɛ tomɛ kwaa ba ɡbaɡba aa kwaara a do kɛŋɔ nɛwɛnyini, kɛɛ jumbii, kɛɛ konaatena, kɛɛ kontuuɡa la.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Galaasia 4:8

Wubwa la, dɛ haa Korowii jemɛ, anomanta, dɛ koŋkwaa aa wola Korowii ɡbaɡba ɛɛ la ɔma vɔrɔwe heya.

Mmarare 32:16

Ba dɛ tomɛ harɛre ane voɡa aa ɛ kii kwa, a ɡel Korowii baah di banɛ, wechɔɡa haa ɛa la ɡelɔ o baah di.

Mmarare 32:21

Ba ɡelɔ mɛɛ meeh voɡa aa wola tɔnɔ dɔe hɛɛ toma la, n bwaawee ir ba voɡpuune nɛ. Anomanta, mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.

Mmarare 33:29

Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.

1 Samoɛl 4:21

O pa bie la sɔn Ikabod, dɛ baɡle kɛ Korowii jirima le Israel kaa, dɛkalkɛ ba kpɔ Korowii Ne Nɛwɛnyina Fɔo Daka la kaa, asɛ o helabaa ne o jaa bwa ɡe sewɛ.