Jeremia 19:5 - mzwDBL

⁵ Ba ma kwaa baa ɛ sarahare a ta tɛ voɡ Baal, dɛ fuh ba bibaala ɛ sarahare dɛɛ tɛo. N ta ban doe ŋɔ ba ɛ ɡɛ, a toole n liire ta kwaraa.

Jeremia 19:5 Iomraidhean Croise

2 Koranar 17:17

Ba lawɛ ba ɡbaɡba bibaala ne bihaahna kpoo, dɛ fuuh ba ɛ sarahare tɛ ba voɡare. Ba la voɡra ne dobodobo tena be, dɛ kpɔ ba te do waa aa ɛ wechɔɡa ta, dɛ jo Korowii nɛɛ dɛ ir o bwaawee.

2 Koranar 21:6

O kpo o bibaa dɛ fuuh ɛ saraha, dɛ ɛ sɔm we-ɛɛla dɛ voɡɛ dɛ yerɛ lala, dɛ la tɛɡre tena ɡe be. O ɛ wechɔɡa taeh dɛ jo Korowii nɛɛ dɛ ir o bandia kohona.

2 Webena 28:3

O kpoo kwaa dɛ fuah ɛ saraha Bɛn Henɔm Fɛlembɔjen bini. O kpo o bibaala, dɛ fuuh ba ɛ saraha, dɛ teŋɛ harɛre ane nawee waa Korowii aa kia, dɛ koh a wa doŋ ba le ba Israel tena sie la ta.

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Ɛsekeɛl 16:36

Kenii men Nemenɛ Korowii ɛɛ bol, ‘Haa pa he kondɔɔh ta, dɛ che mumɡbal kɛŋɔ hanjwamane, dɛ kpɔ he te tɛ baala dɛ tomɛ voɡa maa kia, dɛ kpoo he bii ɛ saraha tɛa la

Ɛsekeɛl 20:26

N ɡelɔ ba kpɔ ba bibanloɡla ɛ sarahare dɛ kah doŋa, n ɛ ɡɛ dɛ kpɔ ɔmee kohona ta ba nɛɛ ba chel, ásɛ ba jemɛ kɛŋɔ menee Korowii.”

Ɛsekeɛl 38:10

Waa men Nemenɛ Korowii aa dɛ bol nomonjen Gɔɡ be laanee nɔ, ‘Awola tɔpere la, liichɔɡa ɛɛ pa munii ba he nyu bini, ásɛ hɛɛ nyin a ŋwɛnɛre.

Daneɛl 2:29

N naa kooro, haa chɔa la, dɛ he liire dawɛ waane aa dɛ ba bala kerekere ta, asɛ Korowii waa won waa aa sɔah bini pila la ɡel he na waa aa dɛ ba chiɡa.

Lewi Dea Tena 18:21

Bɛ he bie bɛlbwa lawɛ tɛ bá kpo ɛ saraha tɛ voɡ Molɛk. Dɛɛ berɛ men Korowii haa dɛ tom mɛ nɔ sɔn chɔɡ ɡɛ. Men Korowiirii bola.

Nɛra Kura 22:41

Tɔ aa pera chɔɔ la, Kooro Balak kpɔ Balam kaa Bamɔt Baal ba ka che bela na Israel tena la bane.

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.