Jeremia 19:1 - mzwDBL

¹ Korowii berɔ ŋɔ men Jeremia be ŋɔ, “Ir la ka yawɛ leo le o mamaa be. Kpɔ bwɛjen la nomonome ne sɔfore la bane ja he nɛ,

Jeremia 19:1 Iomraidhean Croise

2 Koranar 19:2

O tomɛ Eliakim waa dɛ nyiŋi koodem waa ta, ne Sɛbna waa ɛ karake, dɛ bela sɔfore nomonome ba ɡe aa tɔ lweyale ŋɔ, bá la Emɔɔs bibaa Korowii keame Aesaya be.

Aesaya 30:14

Wɛɛ paɡroo kɛŋɔ vimamaa vii yon paɡre, dɛ́ peɡri burbur la ken, o kaŋli aa wola kanee do kɛ ba kpɔ buh nii, kɛɛ ba kpɔ ɛ nee la.”

Jeremia 13:1

Korowii berɔ bol men Jeremia be ŋɔ, “Ka yawɛ yapondɛɛɡe dɛ́ ɛo kiriso vɔwɛ he chara. Bɛ ɡel nee leɡo.”

Jeremia 26:17

A habɔɔ la, nomonome la bane iro che dɛ bol nɛra baa chema la be ŋɔ,

Jeremia 32:14

“Koranar Bwa Kooro, Israel tena aa dɛ tomɔ laanee doe ŋɔ he lɛ tɔn baa marɛ o nyoa, ne onɔ la baa wola o nyoa marɛ la bwa, dɛ́ kpɔa do leo bini ásɛ a won biɡri.

Wiile 4:2

Na ɡɛ bwɛjen Saayɔn bonɔɔna ba fa aa do kɛŋɔ suuɡaswɛm a yoɡ aa kpeɡa aa doa, kɛ taraken, ba berɔ do kɛŋɔ vii baa kpɔ choh mao ken.

Ɛsekeɛl 4:1

Korowii berɔ ŋɔ men Ɛsekeɛl be ŋɔ, “Nɛwɛnyini bie, nyin berekese dɛ́ kpɔ bil he sie, ásɛ dɛ ɛ bwɛjen Jerusalam dawɛ o ta.

Ɛsekeɛl 5:1

Korowii berɔ ŋɔ men Ɛsekeɛl be ŋɔ, “Nɛwɛnyini bie, kpɔ tokobi waa nyɛɡa kɛŋɔ fon dɛ́ fonɛ he nyu ne he tampona. Kpɔ kon maɡɛ pona la ɡɛ a tɔɡre aa doa, dɛ́ bɔne a bini bɔre atoro.

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.

Nɛra Kura 11:16

Ate, Korowii ŋɔ Mosis be ŋɔ, “Le Israel tena nomonome fifraanuanɛ baa wona dɛɛ ɛ toma la kɛrɛdɛ, dɛ́ kpɔ ba ba n Dea Cheremibɔr la doonyoa, he ne ba che bela.

Matiu 26:3

Anee Sɔfonomonome ne bwɛɛ nomonome ka cheme Sɔfonomoa Kaefas dem,

Matiu 27:1

Tɔɔ aa pera chɔmbibi la, Korowii Dea Sɔfonomonome bwa ne ba harɛ la nomonome chemo dɛ vɔrɔwe Yeesu kpoe vɔrɔwa,

We-ɛɛla 21:11

Waa ba ya be la, o baa kpɔ Pɔɔl kiriso, dɛ vɔrɔwe o ɡbaɡba nɔɔra ne nakpale dɛ ŋɔ ya be ŋɔ, “Kenii Korowii Domadɛɛɡe ŋɔ, Juu tena ɛɛ vɔrɔwe kiriso nɔ te kenii Jerusalam, dɛ kpɔɔ do nɛra baa wola Juu tena ɛɛ nɔn ta.”

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.