Jeremia 17:4 - mzwDBL

⁴ Hɛɛ paŋɛ harɛ maa kwaara cheɡ heya o ɛ he kapɛrɛ kon laanee. Mɛɛ kpɔ heyaa do he dɔma lɔɡa hɛɛ tom ba, harɛ haa wola o ta jemɛ bwa ta, dɛkalkɛ he ɡelɔ n baah di, waa wola sɔɔh bwa.”

Jeremia 17:4 Iomraidhean Croise

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

2 Koranar 25:21

Ribla waa lɔ Hamat harɛ taa Babelɔn kooro ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Nehemia 9:28

Deŋnesɔɔhna aa bala la, ba berɔ ɛ wechɔɡa ja, asɛ he ɡel ba dɔma ba yoo ba dɛ pɔ ba nɛɛ ja. Kɛ baa charɛ ba liire dɛ wi noe ŋɔ hé lɛɛ ba la, he dɔ tedoma dɛ no le nyundua, dɛ teŋɛ no ba be, dɛ lɛɛ ba.

Aesaya 14:3

Awola tɔpere Korowii aa tɛ heyaa ona le weweele ne hɔhɔrɔwa dɛ dochɔɡa he fa aa lɔ a ta la,

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 50:11

He banɔ la ɡe haa dɛ nyin hé chɔɡ he bala la, aa di he ɡbaɡbaa. Korowii ɡbabirii dɛɛ ba ɡela á chiɡ ɡɛ. Hɛɛ na waa kohonaa taeh.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.

Jeremia 15:14

Mɛɛ ɡeloo he do he dɔma lɔɡa dɛɛ tom ba harɛfale haa wola o ta jemɛ ta, dɛkalkɛ n bandia iro dɛɛ fuh kɛŋɔ nii dɛɛ ba he nɛ.”

Jeremia 16:13

Anomanta, mɛɛ kpɔ heyaa ka ta harɛfale he naawa aa wola o ta jemɛ bwa ta, ásɛ he kaa tomɛ voɡare bela chɔɔ ne jwaana. Maa he nɛɛ suna ba!’ ”

Jeremia 18:23

Kɛ hen Korowii, he te jemɛ vɔrɔwa bwa baa dɛ vɔrɔwe dɛ́ kpo mɛ. Bɛ ba dichɔɡa kpɔ kɛ ba, kɛɛ dɛ́ fee ba wechɔɡa he sie. Gel ba choɡli chɔ he sie, ásɛ dɛ che he bandia ta tɛr ba deŋne kohona.”

Jeremia 2:14

Israel tena, ba ta heyaa yoma lawɛ, ba ta heyaa lolɛ he ɛ nɛndɔɔla. Ɛrɛɛ a ɛ he dɔma lawɛ he bwa laa ta kaalɔ?

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 5:19

Ba bɔɔ ɡɛ aa bala n ɛ anɔ bwa naa, Jeremia, ŋɔ ba be ŋɔ, ‘Gɛ haa dena berɛ habɔɔ kpo mɛ dɛ kaa tomɛ harɛfala voɡare la, ɡɛɛ hɛɛ ba nɛŋhɔɔhra toma ba harɛ ta.’ ”

Jeremia 5:29

A ta chɛ kɛŋɔ men Korowii tɛr ba deŋne waa nɔ wa aa? A ta chɛ kɛ ń bɔ harɛ waa do ken nɔ nɛra kem aa?

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Wiile 1:12

Jerusalam wio kɛ nɛn ken, dɛ ŋɔ nɛra baa teŋa baa kaa be ŋɔ, “Hé nyiŋ mɛ, amɔ nomɛl ɡe lole dɛɛ na n wenaale nɔ dɔŋa aa? Wenaale Korowii baah aa dia kohona o kpɔ ba ta n nɛɛ saŋ nɔ ta nɔ.

Wiile 5:2

Harɛ waa ɛ ya kapɛrɛ kon kaa di nɛŋhɔɔhra nɔn ta, harɛfala nɛra lɛ ya deremi dɛ so a ta.

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Ɛsekeɛl 7:24

Mɛɛ ɡeloo nɛnchɔɡa tenten le harɛre ta ba, dɛ́ ba lɛ he deene dɛ́ kpɔ. Mɛɛ ɡeloo he kpeɡnɛra haa dɛ hwɛɡɛ ba nɛɛ la nyoa sɔɔh, dɛ́ ɡel bela haa dɛ tomɛ voɡa la ɛ pɛɛpɛɛ.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.