Jeremia 17:3 - mzwDBL

³ dɛ bwejena bwa dor. Mɛɛ ɡeloo he dɔma ba kpɔ he kondɔɔh, ne laala a yoɡ aa kpeɡa bwa, dɛ bwejena dor haa dɛ tomɛ voɡare la do ba nɔn ta, he wechɔɡa bwa haa ɛa harɛ la ta wa.

Jeremia 17:3 Iomraidhean Croise

2 Koranar 24:13

Kooro Nebukadnesa ne Babelɔn tena la kaa jo Korowii Dea waa lɔ Jerusalam la bini ne koodem, dɛ pa suuɡaswɛm kwaa a yoɡ aa kpeɡa bwa Kooro Solomɔn aa kpɔa cheɡ bela. Dɛ ɡɛɛ Korowii fa bol ŋɔ ɡɛ waa nɔ bwa ɛɛ ɛo.

Yela 78:58

Ba kpɔ bela baa dɛ tomɛ ba voɡa dɛɛ muɡli o baah, dɛ kpɔ ba voɡa dɛɛ ir o bwaawee.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 15:13

He wechɔɡa aa kana harɛ la ta bwa nomanta, mɛɛ ɡeloo dɔma pa he kondɔɔh, ne laala a yoɡ aa kpeɡa bwa kɛŋɔ laa ta kwa, ásɛ a ɛ deŋnetɛra tɛ heya.

Jeremia 20:5

Mɛɛ berɔ ɡel ba dɔma pa ba kondɔɔh aa lɔ bwɛjen nɔ ta bwa, dɛ́ kpɔ nɔn dawɛ ba komɛlbwa ta, hale Juda koranar kwaa a yoɡ aa kpeɡa bwa, dɛ́ che a bwa kaa Babelɔn harɛ ta kɛŋɔ laa ta kwa.

Jeremia 21:13

N ne Jerusalam tena dɔɔ, heyaa soɡe deŋɡarere dor, a do kɛŋɔ he soɡe bwetal harɛ waa chɔa kaa ta ken. He yon ŋɔ, “Umee dɛ́ won ba yo yaa ɔ? Umee dɛ́ won ba ku ya danjwɛkpeɡa dɛ́ jo ya be nɔ?”

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Wiile 1:10

Dɔma pa o laala a yoɡ aa kpeɡa bwa kaa. O ɡbabir na harɛre nɛra baa wola Korowii tomɛ aa dɛ jo Korowii Dea la bini, bela Korowii fe aa wola ban ŋwɛnɛ tɛɛ kɛ ba jo.

Ɛsekeɛl 16:39

Ásɛ dɛ lawɛ tɛ nɛra baa dɛ nyini la, ásɛ ba chɔɡ pweeri ne he voɡjaŋa la bwa. Baa laa he laala bwaa wur he bwara ta, dɛ laa he suuɡaswɛm nɔnloɡa ne baŋa kwaa aa wera la kpɔ, he che mumɡbal.

Ɛsekeɛl 23:46

Nemenɛ Korowii ŋɔ, “Nɛ́nlaa wur ba, dɛ́ ba tɔ ba nɛ, dɛ́ do ba sibeɡra, dɛ́ pa ba laala kaa.

Ɛsekeɛl 6:3

‘He bwejena ne deŋɡarere, hé no Nemenɛ Korowii wa. O ŋɔ o dɛ ba laa ne dɛ́ ba chɔɡ bwejena ne deŋɡarere, ne bwea ŋwɛnɛre aa chɔ a baahna, ne fɛlembɔjena voɡare aa lɔ a ta nɛra ɛɛ toma la bwa.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Sefania 1:13

Ba dɔma ɛɛ pa ba kondɔɔh bwaa kaa, dɛ́ chɔɡ ba deene. Baa ma deenee, kɛ baa a binii so, dɛ́ parɛ ɡrepo daa kooni, baa a nɔnaa dɔ ɛ sen nyɔ.”