Jeremia 17:2 - mzwDBL

² He nɛra laŋɔ kaa tomɛ kwaa haa dɛ ɛ sarahare a ta, ne voɡhaah Asera dajaŋa baa paaɡa dajena mune ne deŋɡarere,

Jeremia 17:2 Iomraidhean Croise

2 Webena 24:18

Juda harɛ nɛra vɛh Korowii ba naawa fa aa dɛ tomɔ la ka toma o Dea bela, dɛ kaa tomɛ voɡhaah Asera dajaŋa ne voɡa. A ɡɛ wechɔɡa nɔ nomanta, Korowii baah di Juda tena ne Jerusalam tena nɛ.

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

2 Webena 33:3

Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡ Baal waa ɛ baa, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie, dɛ weweela bwa.

Yela 78:58

Ba kpɔ bela baa dɛ tomɛ ba voɡa dɛɛ muɡli o baah, dɛ kpɔ ba voɡa dɛɛ ir o bwaawee.

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

Aesaya 1:29

“Sihiih ɛɛ kpo heyaa daa haa dua dɛɛ toma la waa. Hɛɛ di nchoo bela haa du kwaa dɛɛ tomɛ voɡa a baah ta la waa.

Aesaya 17:8

Baa kwaa ba ɡbaɡba aa maa dɛ kpɔ saraha kwaa dɛɛ tɛ voɡa a ta laanee nyiŋi kpa. Baa voɡhaah Asera dajaŋa ba ɡbaɡba aa paaɡa, ne bela baa maa dɛɛ fuh daawiile a sɔɔh aa soma la ta hwɛɡɛ kpa.

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.

Jeremia 3:23

Voɡare yaa toma bwejena dor la ta yaa chae. Korowii ya Israel tena aa dɛ tomɔ ɡboo ɛ ya lɛɛ.

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Jeremia 7:18

Ba bechale cheɡɛ damara ba bil, ba mɛɛnanar ɛɛ mar nii, asɛ haahna kpɔ noo koo men ta, dɛ charama dɛ wɔɔra kɛŋɔ paanoo, dɛɛ tɛ ba voɡ baa dɛ yerɔ Nyundua Haŋkooro la. Ba berɔ fuɡe sen dɛ kpɔ ɛ sarahare tɛ voɡare ane ɡe, dɛ kpɔ dɛɛ muɡli n baah.

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Mmarare 12:2

hé ka chɔɡ nɛra haa dɛ la ka doŋ ba le harɛ la ta la voɡtubɔra aa lɔ bwejena ne deŋɡarere ne daa lɔɡre la bwa sekwara.

Sitɔɔla 3:7

Israel tena la ɛ wechɔɡa dɛ jo Korowii nɛ. Ba berɛ habɔɔ kpo Korowii baa dɛ tomɔ la dɛ kaa tomɛ voɡa Baalre ne Asera.