Jeremia 16:8 - mzwDBL

⁸ Bɛ dem nɛra aa cheme bela dɛɛ di kondikonjena dɛɛ lɛ ba sie jo. He ne ba bɛ pɛ so dɛ́ di kwa kɛɛ dɛ́ nyɔ sen.

Jeremia 16:8 Iomraidhean Croise

Yela 26:4

N ne nyosonteŋna aa darame kpɔ, n ne nɛnchɔɡa toole wobɛlbwa bini.

Jeremia 15:17

N laa n te kpɔ nɛra baa soɡa dɛɛ do ɡbɔɡa, dɛɛ hɛɡre kɛŋɔ sennyɔdɛɛra bini. N ɡbo soɡo, dɛkalkɛ he ja n nɛ, asɛ bwaawee far mɛ.

Matiu 24:38

Gɛ saŋ nee la aa wola sui dɛ chɔɡ harɛ mɔɔ la, dɛ nɛra dɛ di kwaa dɛɛ lɛ ba sie, dɛɛ mo haahna, dɛɛ yalɛ jaranar. Ba lɔ ɡɛ waa nɔ ta dɛɛ ɛ dɛ ka tel ɡɛ saŋ Nowa aa jo daka la bini ɡel ba.

1 Kɔrent 5:11

Nɛra maa dɛ bol ba waa laanee nɛra baa ŋɔa ba ja yabala asɔre tena nɛ, kɛ dɛɛ bɔ jwamane, dɛ kpɔ suuɡa ɡwaa komɛlbwa, dɛɛ tomɛ voɡa, dɛɛ bol nɛra bwara wechɔɡa, dɛ nyɔ sen dɛɛ dɛɛ, dɛɛ ŋwɛ la. Ba ŋɔ ba ɛ asɔre tena dɛ berɛ dɛɛ ɛ waa aa do ken nɔ la, he ne ɡɛ nɛra nɔ te bɛlbwa bɛ pɛ, a ba ɛ kɛ hɛɛ pɛ nɔnee di kwa.

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.