Jeremia 16:5 - mzwDBL

⁵ Korowii berɔ ŋɔ men Jeremia be ŋɔ, “Lwe ba dem bɛl ta naa, bɛ bela jo. Bɛ lokua dɔ tɛ nomɛlbwa, maa andɛɛɡaa swee tɛ n nɛra ba dɔ deŋnesɔɔhna, kɛɛ dɛ baɡle n nyina kɛɛ dɛ sune ba nɛɛ kpa.

Jeremia 16:5 Iomraidhean Croise

Yela 25:6

N Naa Korowii, lii he suna kohona, ne nyina aa wola jaɡa dɔe la wa, saŋ la bwaa a le, dɛ ba le fini.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 13:14

Mɛɛ laɡ baa lɔ dɔŋa, kɛŋɔ ba yon kpɔ loŋa lɔ dɔŋa a paɡre la ken. Hale mɛɛnanar ne ba bii bwa. Maa bɛlbwa sumii na, kɛɛ dɛ́ dɔ tedoma tɛ nomɛlbwa ŋɔ maa ban chɔɡ. Men Korowiirii bola.”

Jeremia 16:13

Anomanta, mɛɛ kpɔ heyaa ka ta harɛfale he naawa aa wola o ta jemɛ bwa ta, ásɛ he kaa tomɛ voɡare bela chɔɔ ne jwaana. Maa he nɛɛ suna ba!’ ”

Wiile 3:17

N ta deŋnesɔɔhna bɛlbwa dɔe, dɛ soh ɡɛ silɛɛ kwara aa doa.

Sekaria 8:10

Mɔɔ ba ɛ men Korowii Dea la toma la, dɛ nɛn ɛ toma kɛɛ ba kpɔ kondɛɛre ɛ toma aa, kembɔr toole. Dɛ dɔma nomanta, deŋnesɔɔhna toole, menee ba yoi ne nɛn ne o dɔŋ baah ta.

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Wepila 6:4

Belaa jaaɡɔ bɛl ɡe le, o bwa swɛɛrɔ peihpeihpeih ken. Dɛ ba tɛ naate waa soɡe o ta la kpeɡri ŋɔ ó chɔɡ beŋkpoŋri ɛɛ harɛ bwa ta, ásɛ nɛra kpoo dɔŋa. Tokobijen bɛlee ba tɛo o kpɔ kaa.