Jeremia 16:12 - mzwDBL

¹² kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Jeremia 16:12 Iomraidhean Croise

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Wejereme 9:3

Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.

Jeremia 13:10

Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Jeremia 18:12

Kɛ baa chaŋo ŋɔ, ‘A bɛlbwa ta tɔnɔ dɔe. Ya ɡbabir ɛɛ dɛɛ nyiŋi ya we-ɛɛla taa, ásɛ bɛlbwa ɛɛ teŋɛ o bambikpeɡ ne o wechɔɡa waa ta.’ ”

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Jeremia 7:26

Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Wiile 5:7

Ya naawa fa ɛ wechɔɡa dɛ bwa serewe kaa, kɛ taraken yanee bera dɔ a deŋnetɛra.

Ɛsekeɛl 20:30

Nɛwɛnyini bie, bol Israel tena la be ŋɔ Men Nemenɛ Korowii ŋɔ, ‘He ɡee ɛ wechɔɡa he naawa aa ɛa, dɛ tomɛ voɡa maa kia, dɛ kpɔ doŋa kah ba te la anee kɛɛ?

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Malakae 3:7

He ne he naawa bwaa berɛ habɔɔ kpo mɛ, dɛ vɛh me Mmarare ta teŋa. Hé berɛ ba n be, ásɛ n ɡe do sie he be. Kɛ he dɛ bɔɔ ŋɔ, ‘Ɛrɛɛ ya ɛ dɛ́ berɛ won ba he be nɔ?’

Amanesoma Mak Aa Chwera Tɔn 7:21

Liichɔɡa ne jwamane, ne ŋwɛɛ ne nɛŋkpoa,

Mmarare 29:19

Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.

Mmarare 9:27

Kpɔ he sie dawɛ he bonɔɔna Abraham ne Aesek dɛ Jekɔb nɛ, ásɛ dɛ laa sie kpɔ nɛra nɔ deŋnekpeɡ ne ba nyubinikpeɡ dɛ ba wechɔɡa ta.

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Sitɔɔla 2:19

Kɛ sitɔɔ la baa sewaa, dɛ ba berɔ kaa ba webena aa ɡwaa ba naawa kwaa la, dɛ kaa teŋɛ voɡare nɛɛ dɛɛ toma. Baa nyin ba ɡel ba wechɔɡa ne ba deŋnekpeɡ we-ɛɛla.

1 Samoɛl 15:23

Dɛ he ɛ Korowii deŋnekpeɡ aa, a do kɛŋɔ haa dɛ tomɛ voɡa ken, bambikpeɡ ɡe do kɛŋɔ voɡa toma. Haa vɛh Korowii waa la nomanta, o ɡe vɛɛh kooro.”