Jeremia 15:4 - mzwDBL

⁴ Mɛɛ ɡeloo harɛre nɛra bwa bambile teŋe ba wa, waa Juda Kooro Hɛsɛkea bibaa Manasɛ aa ɛa Jerusalam la wa.”

Jeremia 15:4 Iomraidhean Croise

2 Koranar 21:1

Kooro Manasɛ aa baa di kora Juda harɛ ta la, dɛ o di bene fi dɛ anɛ. O soɡe Jerusalam di kora bene fifraanue dɛ anue. Dɛ o nya sɔne Hɛpseba.

2 Koranar 21:15

Dɛkalkɛ, ba ɛ wechɔɡa dɛ jo n nɛ, dɛ ir n bandia le awola ba naawa aa le Ijipt harɛ ta ba le fini.”

2 Koranar 21:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

2 Webena 33:1

Kooro Manasɛ aa baa di kora Juda harɛ ta la, dɛ o di bene fi dɛ anɛ. O soɡe Jerusalam di kora bene fifraanue dɛ anue.

2 Webena 33:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Ɛsekeɛl 18:19

He dɛ bɔɔ ŋɔ, ‘Ɛrɛɛ aa wola chɛɛ kɛŋɔ bie dɔ deŋnetɛra o mɛɛ wechɔɡa waɔ?’ Bie la waa toɡrɔ dɛ do wer, o teŋɛ me Mmarare la ta kɛrɛdɛ ken, anomanta, wɛɛ dɔ o nyuu kɛrɛdɛ.

Ɛsekeɛl 23:46

Nemenɛ Korowii ŋɔ, “Nɛ́nlaa wur ba, dɛ́ ba tɔ ba nɛ, dɛ́ do ba sibeɡra, dɛ́ pa ba laala kaa.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.