Jeremia 15:2 - mzwDBL

² Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 15:2 Iomraidhean Croise

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 24:18

Nomɛlbwa waa no ɔmewaa ɡbɔɡa dɛ́ chwa la, wɛɛ ka le bɔɔ binii. Nomɛlbwa ɡe waa le bɔɔ bini dɛ́ takapɔ ir la, wɛɛ le bel taa. Nyundua ɛɛ piluu nee fuɡe, kwaa harɛ aa cheɡɛ a ta ɡe yiiɡi kohona.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 14:16

Laa ne lɔr la nomanta, nɛra baa bol ɡɛ waa nɔ baɡ ba la ɡe ɛɛ serewoo, ásɛ ba paa ba ta Jerusalam fɔɡbaahna. Nomɛlbwa aa lee do dɛ́ huɡe ba ne ba haahna ne bibaala dɛ bihaahna bwa. Mɛɛ ɡeloo ba dɔ ba nyubinikpeɡ baa ɛa la kembɔr kɛrɛdɛ.”

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 19:7

Bonɔɔ mɛɛ ba Juda ne Jerusalam tena vɔrɔwa baa vɔrɔwa bil bwa chɔɡa. Mɛɛ ɡeloo ba dɔma pɔ ba nɛɛ dɛ́ kpoo ba laa ta, ásɛ ba ola berɛ jumbii ne kpɔɡ bini ola kondikwa.

Jeremia 43:11

Wɛɛ ba yo Ijipt tenaa dɛ́ pɔ ba nɛ, ásɛ banɔ la weechɔɡa aa kpoo ba la serewe, banɔ la baa laɡ ba la, bá laɡ ba kaa, ásɛ banɔ la ɡe baa kpoo ba laa ta la, bá kpoo ba.

Ɛsekeɛl 12:11

Ŋɔ ba be ŋɔ, ‘Gɛ maa ɛa nɔ dɛ́ baɡle kɛŋɔ ɡɛɛ mɛɛ ba ba ɛɛ.’ Baa laɡ ba laa taa kaa harɛfale ta.

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 33:27

Ŋɔ men Nemenɛ Korowii ŋɔ, ‘Ń ŋwɛɛrɔ kɛŋɔ n taa lole nɔ, baa kpoo nɛra baa kaa dɛ ta so bwɛjena aa paɡra la ta bwaa. Banɔ la baa chwaa ka so kpɔɡ bini la, kpɔɡ bini olchɔɡaa dɛ́ di ba ola, ásɛ weechɔɡa kpoo banɔ la ɡe baa chwaa ka so dekpeɡa ne bwebɔɔne bini.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Ɛsekeɛl 5:2

Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Daneɛl 9:12

He ɡelɔ waa he fa aa bola dawɛ ya nɛɛ kɛŋɔ, hɛɛ kpɔ deŋnetɛraa ba ya ne ya koranar nɛɛ la ɛ ɡɛ. Harɛ nɔ ta bwa, he ta nɛra deŋne tɛrɛ ɡɛ haa tɛr bwɛjen Jerusalam tena deŋne nɔ bwa.

Emɔs 5:19

Aa ɛo kɛŋɔ nɛn aa dɛ chwa nyujente dɛ ka cheme sisire ken. Aa doo kɛŋɔ nɛn aa jo o dea dɛ kpɔ nɔn dawɛ danjwɛɛ ta, asɛ harɛkon domɔ.

Sekaria 11:9

Ate, n ŋɔ peera la be ŋɔ, “Maa won ɛ he teɡre kpa. Anɔ la aa sewɛ la, a sewɛ, anɔ la baa kpo la, ba kpoora, ásɛ anɔ la aa ka la di a bala ola.”

Wepila 13:10

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.