Jeremia 13:16 - mzwDBL

¹⁶ Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Jeremia 13:16 Iomraidhean Croise

Job Tɔn 3:5

Gel biro o bini aa ɔma tɔ ɡɛ tɔpere la ta, kpɔ baama tɔ o ta o waa le, bochaah bɛ o ta ba kpa bwa.

Yela 107:10

Dɛ ba bini bane soɡe biro tenten ta, ba do ba jɔɡrɔre dɛ laɡ ba do dea, ba bwara ɛɛ nyɛɡ,

Yela 107:14

O laɡ ba le biro tenten ta dɛ chaa jɔɡrɔre baa kpɔa do ba.

Yela 29:2

Hé baɡle kɛŋɔ o sɔn la dɔ jirima kohona, hé tomɛ Korowii Waa Do Goroŋ, dɛ dɔ jirima kohona la.

Yela 44:19

kɛ he ɡel yaa tɛ kpɔɡ bini ola, biro tenten tɔ ya nɛ.

Kaala 10:21

Korowii berɛ ŋɔ Mosis be ŋɔ, “Tɛr he nɔn pa nyundua ásɛ biro kpirkpirkpir ba tɔ Ijipt harɛ bwa.”

Sɛɡla 4:19

Kɛ nɛnchɔɡa ŋwɛnɛ te do kɛŋɔ, bɔr aa bira kpirkpir ken, baa kon baa lɔ naa o ta na.

Wejereme 11:8

Dɛ nomɛl wono so dɛ biɡri aa, a chɛ kɛ o sie lɛ o tɔpera la bwa ta. Kɛ ó lii kɛŋɔ tɔpechɔɡa ane lole, dɛ warɛ ɡwaa anɔ la waa kpɔa so. Wedɛɛɡa ane bɛlbwa toole dɛ do a habɔɔ kpa.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Aesaya 59:10

dɛɛ laɡre bɔr bobɛlbwa, kɛŋɔ nyoŋa aa dɛ ɡaaɡe. Ya won naa lɔe webaŋa kɛŋɔ jwaana, weera bini la, ya do kɛŋɔ nɛra baa serewa.

Aesaya 59:9

Ate, nɛra la ŋɔ, “Ya ne kasinteŋ baah jaŋne, ya waa ɡe ta toɡrɛ. Ya dɛ nyin bochaah ta dɛ́ valɛ, kɛ biro tenten ɡboo ya na,

Aesaya 60:2

Na, biro tenten dɛ ba harɛ nɔ ta nɛra nɛɛ tɔe, kɛ he te, Korowii jirima ɛɛ chaah he nɛɛ.

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Jeremia 14:19

Nɛra la bɔɔrɔ ŋɔ, “N Naa Korowii, he deno vɛh Juda tena kwaraa kɛɛ? He hah Saayɔn tena ɡe aa? Ɛrɛɛ he do yaa bola yaa wola won dɔ chaeh nɔɔ? Ya fe dɔ hwɛɡa kɛŋɔ yaa dɔ deŋnesɔɔhnaa, kɛ yaa wedɛɛɡa bɛlbwa na, dɛɛ nyiŋi kɛŋɔ ya dɔ chaeh saŋ bɛl, kɛ waa aa do ɔma kohona ɡboo yaa na.

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Jeremia 23:12

Anomanta, mɛɛ ɡeloo ŋwɛnɛre baa dɛ kpɔ a ta do vɔle, biro do o ta, ásɛ ba lɔ naa dɛ́ choɡli. Mɛɛ kpɔ wenaalee ba ta ba nɛ, ba deŋnetɛra tɔpere. Men Korowiirii bola.

Jeremia 4:23

N nyiŋi harɛ nɔ dɛ o ta mar dɔe, komɛlbwa toole o ta, asɛ nyundua ɡe, kwaa aa dɛ chaah bɔr toole.

Jeremia 50:6

N nɛra do kɛŋɔ peera a teɡra aa ɡela a nyoɡre ken, dɛ ɡel a do bwejena dor dɛɛ ɡaaɡe. A lɔ bwejena ne deŋɡarere ta dɛɛ ɡaaɡe, dɛ soh bela aa dɛ chɔ wa.

Jeremia 6:21

Anomanta, mɛɛ ɡeloo ɡɛ nɛra nɔ lɔ naa dɛ́ choɡli. Lolanar ne ba bii ɛɛ serewoo, nɛra ne ba daamanar ɡe serewe.

Jeremia 8:15

Deŋnesɔɔhna dɔe taa yaa hwɛɡɛ, kɛ yaa wedɛɛɡa bɛlbwa na. Ya dɛ hwɛɡɛ kɛ ya dɔ chaeh, ɔmeeree bera ba chole ya nɛ.

Wiile 4:17

Ya ta sie nyiŋi ŋɔ ya ken ɛɛ dɔ chae, dɛ ba kahonɛ. Ya cheɡɛ ya dejaŋa ta nyiŋi kɛŋɔ, yaa dɔ harɛ bɛl nɛraa bá ba lɛ yaa le ya dɔma nɔn ta kahonɛ.

Ɛsekeɛl 21:15

O ɡelɔ ɔmee le n nɛra nɛɛ kohona ba choɡli. N kpɔ kere waa dɛ nyɛɡle kɛŋɔ bwaala la, dɛɛ aah ba ba bwɛjena doonyoo, dɛɛ ba ba kpoora.

Ɛsekeɛl 34:12

Gɛ peteɡre la peera ne dibɔr, dɛ ane peɡrɔ o yon ɡaaɡe dɛɛ nyin a bɔr la, ɡɛɛ Israel tena fa peɡre kaa harɛre bwa ta awola tɔpechɔɡe bɛl wee. Mɛɛ ɡaaɡe ba bɔree name, dɛ́ berɛ ba ba ne.

Ɛsekeɛl 36:15

Maa ɡel he no harɛre ta nɛra loro baa dɛ di heya, ne mama baa dɛ mamɛ heyaa la, kɛɛ dɛ́ ɡel he harɛ la paɡre kpa. Men Nemenɛ Korowiirii bola.’ ”

Joel 2:2

Bɔr dɛ ba bira a ɡɛ saŋ, ásɛ baama tɔ bobɛlbwa. Tontombɛ ɛɛ wuruu ba tɔ bwejena ta, kɛŋɔ laa tena baa kpeɡa kohona ken. A dɔŋa ta chiɡe bwa, aa chiɡ saŋ bɛlbwa ɡe bwa.

Emɔs 4:13

Korowiirii ta bwejena dɛ ta peu ɡe, dɛ ɡel nɛn jemɛ o liire. Onee ɡela webaŋa won jwaana bera, bwejena dor ɛ o natiɡribɔr, o sɔne Korowii Waa Ɛ Kpeɡri Bwa Dɔɔ.

Emɔs 5:18

Emɔs ŋɔ, “Nomɛlbwa waa dɛ nyin o na tɔpere Korowii aa dɛ ba ba bol nɛra waa dɛ́ pa bole la, ó bwɛɛlɛ. Ɛrɛɛ hɛɛ nyin he na Korowii Tɔpere waa lea cheɡ laɔ? Biro ɡboo awola, bɔr aa o ta chaahna ba.

Malakae 2:2

dɛ he vɛh n waa nɔ noe, dɛ vɛh jirima kpɔe dɛ́ tɛ n sɔn he bambile bwa ne naa, taahnaa mɛɛ ba heyaa taahna, dɛ́ ɡel kɛ n fe aa swee andɛɛɡa tɛ heya. N dɔɔ taah heya, dɛkalkɛ he ta he liire ɛɛ kɛŋɔ he kpɔ jirima tɛ mɛ.

Amanesoma Jɔn Aa Chwera Tɔn 12:35

Anee Yeesu ŋɔ ba be ŋɔ, “Bɔr taa dɛ chaah he nɛɛ tɔpera anɛ nɔ, hɛ́ɛ valɛ o ta. Dɛ ɡɛ laa aa, bɔr ɛɛ biruu he nɛ. Nomɛlbwa waa dɛ valɛ biro ta la aa bela waa dɛ kaa jemɛ.

Josua 7:19

Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.

1 Samoɛl 6:5

Hé kpɔ suuɡaswɛm konɡuleɡule anue la ne mari anue la aa dɛ chɔɡ he ne he harɛre ta nɛra bwa la, ásɛ dɛ kpɔ duure tɛ Korowii Israel tena aa dɛ tomɔ la. O ken ɛɛ laa deŋnetɛra laanee kpɔ he ne he harɛ dɛ he voɡa bwa nɛ.