Jeremia 13:10 - mzwDBL

¹⁰ Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.

Jeremia 13:10 Iomraidhean Croise

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Aesaya 3:24

Konsɔɔhsoma a fe aa ɡel ba bwaraa sɔɔh do som la, sɔɔhraa ba bwara ɛɛ ba sɔɔhra, ásɛ ɡboɡbie ber ba kirisore, ásɛ ba nyumpona ba yon ɛa a do wer la bwa chure, ba nyuune ɡba, ba laaladɛɛɡa bwa berɛ yakwane, ásɛ ba wer tu, ba berɛ di sihiih.

Jeremia 11:10

Ba charɛ ba liire dɛɛ ɛ ba naawa wechɔɡa baa ɛa la, dɛ vɛh n waa ta teŋa. Ba kaa teŋɛ voɡare ane nɛɛ dɛɛ toma. Israel ne Juda tena bwa chɔɡ fɔo n ne ba naawa aa fɔwa la.

Jeremia 11:18

Korowii ɡelɔ men Jeremia jemɛ vɔrɔwa n dɔma aa dɛ vɔrɔwe n wa.

Jeremia 13:7

Anomanta, n laŋɔ dɛ ka kwi bela maa kpɔa huɡe la. Kɛ dɛ o bwa chɔɡɔ kwaraa, o ta wobɛlbwa ɛɛ doe.

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 20:4

Waa Korowii aa dɛ bol laanee nɔ. ‘N dɛ ba ɡela a che he nɛɛ ɔmee chole he ne he daamanar bwa nɛ, ásɛ ba dɔma kpoo ba laa ta he siwi ta. N dɛ ba Juda tena bwa kpɔe do Babelɔn kooro lɔɡa. Wɛɛ lawɛ banee kaa o harɛ ta dɛ́ kpoo bane ɡe.

Jeremia 22:21

Gɛ saŋ he wobɛlbwa aa wera tɛɛ laanee n kaeh, kɛ he ŋɔ, ‘Maa deŋnee cheɡ dɛ́ no.’ Gɛɛ he do dɛ le he bechale saŋ bwa, haa sɛɛh dɛɛ teŋɛ n waa ta.

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 44:16

“Ya vɛh waa haa cheɡɛ Korowii sɔn ta dɛ bol ya be la.

Jeremia 44:5

Kɛ he ta deŋne cheɡɛ, á ba ɛ kɛŋɔ hɛɛ no ba bee. Haa nyin kɛ he ɡel wechɔɡa haa ɛa dɛ ɛ sarahare dɛɛ tɛ voɡare la.

Jeremia 5:23

Kɛ he nɛra nɔ te, he ɡɛnɔ dɛ ɛ bambikpeɡ nɛra. He berɛ habɔɔ kpo mɛ dɛ ɡel n toma ɛɛ.

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Jeremia 8:5

Bɔkwa waa bala nɛra nɔ berɛ habɔɔ kpo mɛ nɔɔ? Ɛrɛɛ saŋ bɛlbwa Jerusalam tena ɛɛ le habɔɔ nɔɔ? Ba sie ta dɛ lɛ waa aa ɛ nyosone ta, baa nyin kɛ bá berɛ ba n be.

Jeremia 9:13

Anee Korowii chaŋe ŋɔ, “Baa vɛh n webaɡla maa kpɔa tɛɛ ba la waa, ba ta duure kpɔe tɛ mɛ, kɛɛ dɛɛ teŋɛ me Mmarare ta.

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Nɛra Kura 14:11

Anee Korowii ŋɔ Mosis be ŋɔ, “Saŋ besoo nɛra nɔ ɛɛ ba n nyubaah nyiŋa ɡela ɔ? Ba teŋɔ dɛɛ vɛɛh mɛ ŋɔ baa men yarada, hale n nyokpowe-ɛɛla maa ɛa ba bini la bwa habɔɔ.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?