Jeremia 12:12 - mzwDBL

¹² Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 12:12 Iomraidhean Croise

Aesaya 34:6

Chal ne noo ɡboo tɔ Korowii kere la bwa, kɛŋɔ baa kpo pebiiri ne boohna dɛ ler a kporombie ɛ saraha ken. Korowii dɔ saraha ɛɛ bwɛjen Bosra. Nɛra ɛɛ serewoo kɛrɛdɛ kere la nyoa, Edom harɛ ta.

Aesaya 57:21

Deŋnesɔɔhna toole tɛ wechɔɡ-ɛɛra.” Korowiirii bola.

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 16:5

Korowii berɔ ŋɔ men Jeremia be ŋɔ, “Lwe ba dem bɛl ta naa, bɛ bela jo. Bɛ lokua dɔ tɛ nomɛlbwa, maa andɛɛɡaa swee tɛ n nɛra ba dɔ deŋnesɔɔhna, kɛɛ dɛ baɡle n nyina kɛɛ dɛ sune ba nɛɛ kpa.

Jeremia 25:11

He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 3:2

Hé ha sie dɛ́ nyiŋi deŋɡarere dor! Bobɛl lole haa wola jwamane ka bɔe yaa? He yon so ŋwɛnɛ nyoa dɛɛ kpa baala kɛŋɔ nɛra baa soɡe pua hɛŋle ɡbo harɛ ta, dɛɛ ɡaaɡe ken. He cheɡɛ nyubinikpeɡ ne jwamane ta, dɛ kpɔ doŋa kah harɛ la.

Jeremia 3:21

Lɔŋɔre dɛ le bwejena aa chɔ pɛɛ dor, Israel tena wii baa dɛ wi dɛɛ soŋe ba wechɔɡa baa lɔ a ta wa, dɛkalkɛ ba soh Korowii baa dɛ tomɔ wa.

Jeremia 30:5

“N no lɔŋɔ waa do ɔma kohona, hundam chole bobɛlbwa, deŋnesɔɔhna aa wola toole bela.

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Jeremia 4:27

Waa Korowii aa dɛ bol laanee nɔ, “Harɛ la bwa dɛ́ ba dimɡbia bera, kɛ maa den chɔɡ o bwa kwaraa.

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Jeremia 47:6

He yon dɛɛ wi ŋɔ, ‘N Naa Korowii, he kpoŋe he kere, saŋ besoo hé kpɔ kere la kpoo nɛra ka tel ɔ? Kpɔɔ do o tɔɔ bini ó chɔ bela jeih ken.’

Jeremia 48:2

Moab harɛ nyanyini tonɔ. Dɔma baa yo Hɛsbɔn tena dɛ pɔ ba nɛ, dɛɛ vɔrɔwe kɛ bá ba chɔɡ Moab harɛ. Nɛra haa lɔ bwɛɛ baa dɛ yerɔ Madmen ɡe bwa hel, dɛkalkɛ laa tena ɛɛ ba yoo baa.

Jeremia 8:15

Deŋnesɔɔhna dɔe taa yaa hwɛɡɛ, kɛ yaa wedɛɛɡa bɛlbwa na. Ya dɛ hwɛɡɛ kɛ ya dɔ chaeh, ɔmeeree bera ba chole ya nɛ.

Wiile 3:17

N ta deŋnesɔɔhna bɛlbwa dɔe, dɛ soh ɡɛ silɛɛ kwara aa doa.

Ɛsekeɛl 14:17

Kɛɛ dɛ n kpɔ laa tena ba harɛ la ta tena nɛ, ba kpɔ dɔmkwaa ba kpoo nɛra ne kondɛɛra bwa le o ta,

Ɛsekeɛl 21:28

Anomanta, Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba Amɔn tena baa dɛ chɛɡre Israel tena nɛɛ bala dɛ́ ŋɔ, ‘Ba pamɛ kere dɛ́ ba kpoo nɛra. Ba saro, ásɛ o do nyɛɡre dɛɛ nyɛɡle kɛŋɔ bwaala ken.

Ɛsekeɛl 21:4

Mɛɛ pamɛ n keree dɛ́ kpoo nɛra baa lɔ weekaŋle harɛbɔr ne weekaŋle nyunduabɔr bwa.

Ɛsekeɛl 21:8

Korowii berɔ bol waa n be dɛ ŋɔ,

Ɛsekeɛl 21:9

“Nɛwɛnyini bie, bol waa aa dɛ ba bala dɛ́ ŋɔ, kenii mɛɛ bol, ‘N sar n kere o do nyɛɡre, asɛ wɛɛ nyɛɡle.

Ɛsekeɛl 5:2

Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Emɔs 9:4

A lole kɛŋɔ ba dɔma laɡ ba laa ta kaa bojaŋ harɛfale ta, mɛɛ ɡeloo bá kpoo ba laa ta. N siwi swɛɛ ba nɛ, ba wedɛɛɡa te waa laa, ba kpoora waa.”

Sefania 2:12

Korowii ŋɔ wɛɛ kpoo Itiopia tena ɡe bwaa.

Mmarare 32:42

N hɛma ɛɛ jo ba chal taa, ásɛ n tokobii ɡe kpoo banɔ la baa dɛ tɔ mɛ ŋwɛnɛ. Maa nomɛlbwa waa cheɡɛ n nɛɛ ɡel, banɔ la baa do ba bola, ne banɔ la baa laɡ ba bwa ɛɛ sewɔɔ.’

Wepila 6:4

Belaa jaaɡɔ bɛl ɡe le, o bwa swɛɛrɔ peihpeihpeih ken. Dɛ ba tɛ naate waa soɡe o ta la kpeɡri ŋɔ ó chɔɡ beŋkpoŋri ɛɛ harɛ bwa ta, ásɛ nɛra kpoo dɔŋa. Tokobijen bɛlee ba tɛo o kpɔ kaa.