Jeremia 12:1 - mzwDBL

¹ Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 12:1 Iomraidhean Croise

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Ɛsra 9:15

N Naa Korowii Israel tena aa dɛ tomɛ, he waa toɡrɔ kohona! He ɡelɔ ya bini bane ta so le. Ya di bolchɔɡe dɛ kpɔ ya wechɔɡa dɛɛ bil he sie, anomanta, ya bini bɛlbwa toole dɛ́ won ba che he sie.”

Nehemia 9:33

He waa toɡrɔ dɛ dɔ kasinteŋ kɛŋɔ he tɛr ya deŋne, a lole kɛŋɔ ya ɛ wechɔɡa.

Job Tɔn 12:6

Kɛ ŋwɛɛra ne nɛra baa wola Korowii tomɛ soɡe deŋnesɔɔhna ta, kwaa baa dɛ tomɛ la taa ba kpeɡri do.

Job Tɔn 13:3

N ne Korowii Waa Ɛ Kpeɡri Bwa Dɔɔree dɔa, n ne he laa. N dɛ nyin kɛ n ne Korowii cheme, ásɛ n baɡle kɛ n ta bolchɔɡe dii.

Job Tɔn 24:12

Nɛra baa dɛ ba serewa dɛ pɛmɛ bwɛjen la ta, banɔ la baa do ba bola ɡe ɛɛ wi, dɛɛ nyin Korowii ó cha ba, kɛ Korowii laa sie kpɔ ɡɛ wechɔɡ-ɛɛra la nɛ.

Job Tɔn 24:23

Korowii ken ɛɛ ɡeloo ba bwara sɔɔh ba ba soɡa bini, kɛ dɛ o sie lɔ ba we-ɛɛla ta.

Job Tɔn 8:17

A dɛ ta lune bar bwea, ásɛ dɛ lawa kpoŋe kiŋkiŋ.

Yela 116:5

Korowii waa toɡrɔ wɛɛ sune nɛn nɛ. Korowii yaa dɛ tomɔ dɔ tedoma.

Yela 119:137

N Naa Korowii, he waa toɡrɔ, he Mmarare ɡe do wer.

Yela 119:75

N Naa Korowii, n jemɔ kɛŋɔ he bole pae toɡrɔ, he che kasinteŋ ta dɛ tɛr n deŋne.

Yela 145:17

N Naa Korowii, waa haa dɛ ɛ bwa toɡrɔ, he dɛ nyin he kontaala bwa.

Yela 37:1

He bɛ ɡel nyubinikpeɡ tena we-ɛɛla we he nɛ, he bɛ wechɔɡ-ɛɛra bwara we.

Yela 37:35

N na nyubinikpeɡ te waa wola nɛn nɛɛ sune, o soɡa bini do wer kɛŋɔ, daa waa kpeɡa harɛdɛɛɡe ta ken,

Yela 51:4

He ɡbosoroo n ɛ wechɔɡa, dɛ ɛ anɔ la aa wola were he sie. Anomanta, he waa dɔ kasinteŋ, he won bol n waa dɛ́ pa bole aŋwɛnɛ ta, dɛ́ tɛr n deŋne.

Yela 51:6

Kasinteŋ ne waa aa weraa hɛɛ nyin, anomanta, tɛ mɛ he wejema.

Yela 92:7

Nyubinikpeɡ tena ɛɛ won dɛɛ kpeɡ kɛŋɔ kpɔɡa, ásɛ wechɔɡ-ɛɛra ɡe wobɛlbwa do wer dɛɛ tɛɛ ba, kɛ ba bwa ɛɛ ba chɔɡoo kwaraa.

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Wejereme 8:14

Waane ɡe lole aa wola mun dɔe harɛ nɔ ta ja. Nɛra ba wa aa toɡra dɛ dɔ wechɔɡ-ɛɛra deŋnetɛra, asɛ wechɔɡ-ɛɛra ɡe ɛɛ dɔ kembɔr aa chɛ nɛra ba wa aa toɡra. Anɔ ɡe ɛ wepuu ja.

Aesaya 41:21

Korowii, Israel tena kooro la ŋɔ, “Hé kpɔ he waa ba, dɛ́ ba baɡle ɡɛ aa ɛa he kon do som.

Aesaya 48:8

N jemɔ kɛŋɔ he waa ta kasinteŋ dɔe, he ɛ nɛra bane baa jema kɛ ɡaeh tenaa heya. A waa haa wola waa nɔ bwa no la.

Jeremia 11:20

Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.

Jeremia 12:6

He dɔɔranar ne nimanar, dɛ he ɡbabir lolanar lee tɛ, ba taa cheɡɛ chiŋ baa mooli. A lole kɛŋɔ he ne ba bol waa dɛɛ mamɛ, kɛ dɛɛ berɛ ba yaradae.”

Jeremia 3:20

Kɛ ɡɛ haah o wa aa wola kasinteŋ dɔe tɛ o jaa la, ɡɛɛ he Israel tena wa aa wola kasinteŋ dɔe tɛ mɛ. Men Korowiirii bola.”

Jeremia 3:7

Israel tena do kɛŋɔ hanjwamane ken. N liiro ŋɔ anɔ baa ɛa nɔ bwa habɔɔ baa berɔɔ ba n be, ba dɔŋa Juda tena ɡe ɡba nao.

Jeremia 32:16

Maa kpɔ danseɛ tɔn la tɛ Baruk habɔɔ la, n soŋe Korowii ŋɔ,

Jeremia 5:11

Israel ne Juda tena bwa waa ta kasinteŋ dɔe tɛ mɛ kwaraa. Men Korowiirii bola.”

Jeremia 9:2

N dɛ nyin kɛ n fe aa dɔ bobɛl ka so pua hɛŋle ɡbo harɛ ta, dɛ́ le bela n nɛra aa lole. Ba bwa waa ta kasinteŋ dɔe, dɛ ɛ nɛnchɔɡa ɡbosoroo.

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Ɛsekeɛl 18:25

Kɛ he dɛ bol ŋɔ, men Korowii waa ta toɡrɛ. Israel tena, hé no, he dɛ lii kɛŋɔ men Korowii n waa ta toɡrɛ kɛɛ? He waa laa wola toɡraa?

Daneɛl 9:14

Korowii kpɔ deŋnetɛra ba ta ya nɛɛ warane, dɛkalkɛ o waa toɡrɔ wobɛlbwa waa dɛ ɛ ta. Kɛ ane a bwa, ya ta o waa noɛ.

Daneɛl 9:7

N Naa Korowii, he waa toɡrɔ, ya di sihiih fini. Juda ne Jerusalam tena, ne Israel tena haa lɔ yaa peɡre harɛre aa lɔ bojaŋa ne anɔ la aa bɛna ta bwa, dɛkalkɛ ya waa ta kasinteŋ dɔe tɛɛ.

Hosia 6:7

Ba chɔɡ n ne ba fɔo la kɛŋɔ bobɛl baa dɛ yerɛ Adam ken. Ba le n habɔɔ harɛ la ta.

Habakuk 1:4

Mmara bɛlbwa toole dɛɛ di nɛn, anomanta, kasinteŋ toole kpa. Nɛnchɔɡa dɛ tɔ nɛndɛɛɡa ŋwɛnɛ, dɛɛ berɛ waa aa ɛ kasinteŋ sie.”

Sefania 3:5

Korowii ta lɔ bwɛjen la bini, o waa toɡrɔ, waa wola wedoŋa nyin. Tɔpere bɛlbwaa wɛɛ di o nɛra kasinteŋ, waa wola habɔɔ le saŋ bɛlbwa, kɛ ane a bwa, sihiih aa wechɔɡ-ɛɛra baa lɔ o ta la kpo.

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Malakae 3:15

Kɛ taraken nɔ, ya dɛ yerɛ nɛra baa dɛ ɛ jenu bosɔɔhna tena. Kasinteŋ, waa wechɔɡ-ɛɛra aa dɛ ɛ la, a dɛ do wer dɛɛ chiɡ ba kɛrɛdɛ, hale banɔ la baa dɛ tɔŋle Korowii dɛ vɛh o waa la aa deŋnetɛra bɛlbwa dɔ.’ ”

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.