Jeremia 11:7 - mzwDBL

⁷ Le saŋ maa lawɛ ba naawa le Ijipt harɛ ta ba le fini, keraŋwɛnɛ bwaa n kah ba ŋɔ baa duu mɛ.

Jeremia 11:7 Iomraidhean Croise

2 Koranar 17:13

Dɛ Korowii cheɡɛ o keamere ne nɛra baa dɛ na chaahna ta, dɛ kah Israel ne Juda tena ŋɔ, “Hé le he wechɔɡa ŋwɛnɛre ta, dɛ́ɛ teŋɛ me Mmarare ne waa maa do heyaa a ta la ta. N kpɔɔ tɛ he naawa ŋɔ báa teŋɛ a ta, dɛ che n keamere ɡe nɛɛ ŋɔ bá dalwe a ta baɡle heya.”

2 Webena 36:15

Korowii ba naawa aa tomɔ la cheɡɛ o keamere nɛɛ bol waa baɡ ba keraŋwɛnɛ bwa, dɛkalkɛ o dɔ tedoma tɛ o nɛra ne o Dea la.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Jeremia 25:3

“Le bene fifraanɛ dɛ atoro, ɡɛ saŋ Juda Kooro Amɔn bibaa Josia aa di kora bene fi dɛ atoro la, dɛ Korowii dɛ bol waa n be, asɛ n bol he be keraŋwɛnɛ bwa, kɛ he ta n be noɛ.

Jeremia 25:4

Keraŋwɛnɛ bwaa Korowii tomɛ o bonɔɔna baa ɛ o keamere he Juda ne Jerusalam tena be, kɛ he ta deŋne cheɡɛ, a ba ɛ kɛŋɔ hɛɛ noo.

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Jeremia 34:14

bene anuanɛ bɛlbwa ta la, Hibru te bɛlbwa waa tomɛ o dɔɔ bene anumɛl la, a chɛ kɛ bá ɡelo ó di o nyu. Kɛ ane a bwa, he naawa ta deŋne cheɡɛ dɛ no n be.

Jeremia 35:14

Rekab bibaa Jonadab do o bibaala ŋɔ ba bɛ sen nyɔ, asɛ ba teŋɛ a ta. Hale ba le fini baa sen nyɔ, dɛkalkɛ ba no ba nabaa deŋna wa. Kɛ ane a bwa, n teŋɔ bol waa he be keraŋwɛnɛ bwa, kɛ bɛlbwa ta n waa ta teŋɛ.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Sekaria 1:4

He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Mmarare 12:32

Hé do sie dɛ́ ɛ waa maa do heyaa a ta nɔ, he bɛ waane kpɔ ja a ta, he bɛ ane ɡe laa kpɔ le a ta.”

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

Mmarare 4:6

Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Mmarare 6:2

Hé ne he bii ne naanar bwa ɔmɛ Korowii haa dɛ tomɔ nɔ, dɛ́ teŋɛ o Mmarare bwa maa kpɔa dɛɛ tɛ heyaa nɔ ta, ásɛ he won so biɡri.

Mmarare 8:6

Anomanta, hé teŋɛ waa la Korowii aa dɛ do heyaa la ta, dɛ́ kpɔ duure dɛɛ tɛo.

2 Tesalonika 3:12

Ya cheɡɛ ya Dɔɔ Yeesu Kristo sɔn ta dɛɛ ŋɔ ɡɛ nɛra nɔ be ŋɔ bá do sie dɛɛ ɛ ba ɡbaɡba toma dɛɛ di ba koeh ta.

1 Samoɛl 8:9

Name cheɡ deŋne no waa baa bol, kɛ kah ba kɛrɛdɛ dɛ́ ɡel ba jemɛ ɡɛ ba koranar aa dɛ ba kpɔe dɛɛ ɛɛ ba.”