Jeremia 11:6 - mzwDBL

⁶ Anee Korowii ŋɔ n be ŋɔ, “Ka bol ɡɛ waa nɔ bwa Juda bwɛjena ta, ne Jerusalam fɔɡbaahna. Bol nɛra la ɡe be ŋɔ bá cheɡ deŋne dɛ́ no waa aa lɔ fɔo nɔ ta kɛrɛdɛ dɛ́ɛ teŋɛ a ta.

Jeremia 11:6 Iomraidhean Croise

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 19:2

ásɛ he la Jerusalam Bɛn Henɔm Fɛlembɔjen waa bɛne Kaŋli Doonyoa la ta. He tel bela aa, hé bol waa maa bol he be la.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Jeremia 3:12

La ka bol waa nɔ Israel tena be ŋɔ, ‘Hé berɛ ba, Israel tena he wa aa wola kasinteŋ dɔe. N baah aa he nɛɛ di kpa, dɛkalkɛ n dɛ sune nɛn nɛ, n baah aa won di he nɛɛ saŋ bɛlbwa dɛɛ la. Men Korowiirii bola.

Jeremia 7:2

ó che Korowii Dea doonyoa dɛ́ bol waa nɔ, “Juda tena bwa, hé no waa Korowii aa dɛ bol, heyaa yon kpɔ doonyoa nɔ ta jo dɛ baa tomɛ Korowii.

Sekaria 7:7

Gɛ waa nɔɔ Korowii che o keamere baa tɔ sie nɛɛ dɛ bol a saŋ la. Jerusalam ne bwɛɛre aa baro nɛra fa aa soɡe deŋnesɔɔhna ta dɛ dɔ ba te, nɛra su o ta, ne bwɛɛre aa baro bwa ta dɛ do Nɛɡɛv pua hɛŋle ɡbo harɛ dɛ harɛre aa lɔ wee cholibɔr deŋɡarere harɛ ta bwa la.’ ”

Amanesoma Jɔn Aa Chwera Tɔn 13:17

Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.

Tɔn Pɔɔl Aa Chwerɛ Rom Tena 2:13

Maa dɛ bol nɔ, Mmara nɔ noe laa ɡela nɛn ɛɛ ɛ nɛndɛɛɡe o wa ɛɛ su Korowii siwi. Mmara la ta teŋaa ɡela nɛn ɛɛ ɛ nɛndɛɛɡe o wa ɛɛ su Korowii siwi.

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Jems 1:22

He bɛ waa la no dɛ́ ɡel a ɛɛ. Dɛ he dɛ ɛ ɡɛ naa, he dɛ neɡre he te. Hé ɛ ɡɛ waa la aa baɡla la.