Jeremia 11:16 - mzwDBL

¹⁶ N fa ŋɔ ba do kɛŋɔ ɔleve daa waa kpeɡa kohona dɛ dɔ papooni, asɛ nɔndɛɛɡa su o bwa, dɛ do wer. Mɛɛ ɡeloo peukpeɡ ta kerabeŋkpoŋ, ásɛ nii le o papooni ta, dɛ́ kuuɡi o kpala.

Jeremia 11:16 Iomraidhean Croise

Job Tɔn 8:16

Wechɔɡ-ɛɛra do kɛ kpɔɡa aa kpeɡa dɛ che webaah, ba do kɛŋɔ anɔ la aa moɡa tɔ bodɛɛɡe baa du daa.

Yela 52:8

Kɛ n te, n do kɛŋɔ ɔleve da, dɛ che Korowii Dea dɛɛ kpeɡ. N dɛ hwɛɡɛ Korowii nyina aa wola jaɡa dɔe saŋ bɛlbwa la ta.

Yela 80:16

Ya dɔma chɔɡ yaa kɛŋɔ baa teŋe da, dɛ kpɔ do nii ta o fuh la ken. Gel he baah di ba nɛ, he chɔɡ ba.

Yela 80:17

Kpɔ nɔn tɔ nɛra haa lee ba tɛ he te la nɛ, lɛ nɛra haa lee ba dɛ tɛɛ ba kpeɡri kohona la.

Yela 83:2

Na ɡɛ he dɔma aa ir he nɛ, nɛra baa haeh ba deŋne do kpeɡri la.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Jeremia 2:21

He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?

Jeremia 21:14

Mɛɛ tɛr he deŋnee ɡɛ he we-ɛɛla aa doa. Mɛɛ ɡeloo nii le he kɔne bini dɛ́ fuh komɛlbwa aa lɔ a ta, Men Korowiirii bola.’ ”

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Hosia 14:6

Baa kpeɡuu dɛ́ so le, ásɛ dɛ do wer kɛŋɔ ɔleve daa ken. Ba sɔɔh ɛɛ do somee kɛŋɔ Lɛbanɔn peleme daa ken.

Matiu 3:10

He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.

Amanesoma Jɔn Aa Chwera Tɔn 15:6

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

Mmarare 28:40

Hɛɛ dɔ ɔleve he harɛ taa ɡa, kɛ haa a noo dɔe ba, dɛkalkɛŋɔ a nɔna dɛ ba chaara lee.

Wepila 11:4

Gɛ nɛra banɛ nɔɔ ɔleve daa anɛ ne kandea daa anɛ a cheɡɛ harɛ bwa Dɔɔ la sie la che tɛ la.