Jeremia 11:10 - mzwDBL

¹⁰ Ba charɛ ba liire dɛɛ ɛ ba naawa wechɔɡa baa ɛa la, dɛ vɛh n waa ta teŋa. Ba kaa teŋɛ voɡare ane nɛɛ dɛɛ toma. Israel ne Juda tena bwa chɔɡ fɔo n ne ba naawa aa fɔwa la.

Jeremia 11:10 Iomraidhean Croise

Yela 78:57

Ba deŋne kpeɡri, baa waa bu kɛ ba naawa ken, ba waa ta kasinteŋ dɔe.

Aesaya 24:5

Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Jeremia 13:10

Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.

Jeremia 17:23

Kɛ ba ta deŋne cheɡɛ, ba ɛ deŋnekpeɡ, ba ta n be noɛ á ba ɛ kɛŋɔ baa hweli waanee le n be.

Jeremia 22:9

Ásɛ nɛra bane ɡe chaŋe ŋɔ, ‘Baa vɛh fɔo ba ne Korowii baa dɛ tomɔ aa fɔwa, dɛ berɛ kaa tomɛ voɡare ane, dɛɛ duura la waa.’

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Jeremia 44:16

“Ya vɛh waa haa cheɡɛ Korowii sɔn ta dɛ bol ya be la.

Jeremia 44:5

Kɛ he ta deŋne cheɡɛ, á ba ɛ kɛŋɔ hɛɛ no ba bee. Haa nyin kɛ he ɡel wechɔɡa haa ɛa dɛ ɛ sarahare dɛɛ tɛ voɡare la.

Jeremia 7:28

Anomanta, ŋɔ ba be ŋɔ, ba harɛ nɛra aa men Korowii baa dɛ tom mɛ waa ta teŋɛ kɛɛ dɛ hweli waa ane le ba deŋnetɛra ta. Kasinteŋ toole kpa. Baa a waa bol kpa kwara.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Ɛsekeɛl 16:59

Nemenɛ Korowii berɔ ŋɔ, “Gɛ bwa aa chɛ kɛ n kpɔ ɛɛ laanee mɛɛ ba kpɔe ɛɛ, dɛkalkɛ he vɛh nyoa haa baɡ mɛ, dɛ chɔɡ n ne he fɔo la.

Ɛsekeɛl 44:7

A bwa habɔɔ, he ɡelɔ nɛŋhɔɔhra baa wola ba pena teŋe, baa wola men duu, ba jo n Dea la ta, dɛ kpɔ doŋa kaoh, ɡɛ saŋ haa kpɔ kondikwaa ne ola noorare, dɛ a chale ba ɛ saraha dɛɛ tɛ mɛ. A cheɡɛ a ta he chɔɡ n ne he fɔo la.

Ɛsekeɛl 5:6

Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.

Hosia 6:4

Korowii ŋɔ, “Ń ɛ heyaa ɛrɔɔ, Israel ne Juda tena? He nyina haa dɛ nyin mɛ la do kɛŋɔ chɔɔbɔr kɔɔla, ne chɔɔlen mɛn aa wola biɡri la ken.

Hosia 6:7

Ba chɔɡ n ne ba fɔo la kɛŋɔ bobɛl baa dɛ yerɛ Adam ken. Ba le n habɔɔ harɛ la ta.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Lewi Dea Tena 26:15

dɛ vɛh me Mmarare ne n waa ta teŋa, dɛ chɔɡ fɔo n ne haa fɔwa la aa,

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Sekaria 1:4

He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Mmarare 31:16

Asɛ dɛ ŋɔ Mosis be ŋɔ, “Aa biɡri bɛlbwa ásɛ he chɔ he banɔn ta. A ba ɡɛ naa, nɛra haa tɔ ba sie nɔ ɛɛ chɔɡ fɔo n ne baa fɔwa laanee. Baa le n habɔɔ, dɛ́ ka tomɛ harɛ baa dɛ ba o ta joe nɔ voɡaa.

Mmarare 9:7

Hé lii ɡɛ saŋ haa ɛ Korowii o baah di pua hɛŋle ɡbo harɛ ta, dɛ ɛo deŋnekpeɡ dɛ le ɡɛ saŋ haa le Ijipt harɛ ta dɛ ba tel bonɔ la.

Hibru 8:9

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ. Anomanta, n ɡe laa sie kpɔ ba nɛ.

Sitɔɔla 2:11

Israel tena la ɛ wechɔɡa dɛ jo Korowii nɛ dɛɛ tomɛ voɡa Baalre.

Sitɔɔla 2:17

Kɛ ba vɛh sitɔɔla la be noe, dɛ kpɔ ba te tɛ voɡa dɛɛ toma. Ba ta doe kɛŋɔ ba naawa ba fa aa dɛ no Korowii wa dɛɛ teŋɛ waa waa do ba a ta la ta. Ba vɛh o ŋwɛnɛ ta teŋa buɡ ta.

Sitɔɔla 2:19

Kɛ sitɔɔ la baa sewaa, dɛ ba berɔ kaa ba webena aa ɡwaa ba naawa kwaa la, dɛ kaa teŋɛ voɡare nɛɛ dɛɛ toma. Baa nyin ba ɡel ba wechɔɡa ne ba deŋnekpeɡ we-ɛɛla.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.