Jeremia 10:9 - mzwDBL

⁹ Ba yon kpɔ suuɡapoŋa le bwɛjen Taases ne suuɡaswɛm le bwɛjen Ufas ta, dɛ baa ɛ ba voɡare bwara. Nɛra baa dɔ kwaa sɛɛh, ne suuɡaswɛm dɛ yale sɔeh wejema ɡe, yon kpɔ yaburum ne yakɔl ɛ a bwara.

Jeremia 10:9 Iomraidhean Croise

1 Koranar 10:22

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

2 Webena 9:21

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

Yela 115:4

Suuɡapoŋa ne suuɡaswɛm nee ba ɛ ba voɡare, nɛwɛnyinii kpɔ nɔɔra ɛa.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Aesaya 23:6

He nɛra haa soɡe mpo nyoa la, hé wi dɛ́ ir kaa Taases.

Aesaya 40:19

Voɡ te, loɡree dɛɛ loɡɔ, asɛ nɛn waa dɔ suuɡaswɛm kpɔe dɛ ɛ kwaa wejema ɡe yon kpɔ suuɡaswɛm ɛ o bwara, dɛ ɛ suuɡapoŋa jɔɡrɔre doo.

Ɛsekeɛl 27:12

He kondɔɔh kohona nomanta, bonadiire le Taases dɛ kpɔ suuɡapoŋa ne bune dɛ kpana, dɛ baa charɛ kwaa he be.

Ɛsekeɛl 27:7

Ijipt harɛ taa ba kpɔ ŋwɛndɛɛɡe sɔh yapondɛɛɡe waa baŋre he doa dɛɛ kaa he ne la, dɛ berɛ kpɔ ane ɛ he fraŋkaa. Saepros ekwi harɛ taa ba le yaburum ne oŋkɔl waa wera ne, a tɔ he nɛɛ dɛɛ tɛɛ chunchule.

Daneɛl 10:5

N ha sie nyiŋi, dɛ na baa bɛl waa do laalapoŋa, asɛ kiriso baa kpɔ suuɡaswɛm tenten ɛo vɔwɛ o chara.

Hosia 8:6

Israel harɛ taa voɡ la le, Israel tee loɡɔ, men Korowii laa. Samaria nabale la, baa kuuɡu buruburu ken.

Jona 1:3

Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.

Habakuk 2:19

Nɛn waa ŋɔ dakpul be ŋɔ ó dɔ mkpa, kɛɛ dɛ ŋɔ bwe waa wola hweera dɔe be ŋɔ ó ir la, ó bwɛɛlɛ! Wɛɛ won baɡle wa aa? Suuɡaswɛm ne suuɡapoŋee ba kpɔ fɔɡle o bwa, o ta hweera bɛlbwa dɔe.