Jeremia 10:12 - mzwDBL

¹² Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Jeremia 10:12 Iomraidhean Croise

Mumpar 1:1

Komɛlbwa mumpar la, Korowii ta nyundua ne harɛ.

Mumpar 2:5

dɛ konduula ne kpɔɡa ta harɛ la ta leɛ, dɛkalkɛŋɔ dɛ o ta ɡelɛ bwaala nɛ o ta mɔɔ. Dɛ nomɛlbwa ɡe toole dɛ́ parɛ harɛ la.

1 Webena 16:26

Harɛre bwa voɡare ɛ konsale, kɛ Korowiirii ta nyundua.

Job Tɔn 26:7

Korowii paɡri weekaŋle nyunduabɔr bɔle, bela komɛlbwa aa wola toole, o ta ɡelɛ harɛ saɡɛ komɛlbwa ta o lawɔ kpoŋe.

Job Tɔn 37:18

Hɛɛ won ja Korowii nɛɛ dɛ́ paɡri nyundua, waa do kpeɡri kɛ ayaawa aa dɛ nyɛɡle kɛ diɡi aa?

Job Tɔn 9:8

O ɡboo paɡri nyundua bɔle kɛ yal, dɛ berɛ won valɛ mpo nehɛma ta.

Yela 104:2

asɛ nii bare cheme, dɛ paɡri nyundua kɛŋɔ tɛnte,

Yela 104:24

N Naa Korowii, he cheɡɛ he wejema ta, dɛ ɛ wejena taeh, harɛ nɔ bwa su he kontaala haa taa.

Yela 119:90

He kasinteŋ lole ka tel ya naanar baa teŋɛ dɔŋa nɛɛ bwa. Henee kpɔ harɛ cheɡ o chebɔr asɛ o do le.

Yela 24:2

Onee pa harɛ mun o chɔŋɛ nee sie, dɛ ɡel kwaa aa lawɔ kpoŋe che viljena ta.

Yela 33:6

Nyoa wobol nee Korowii ta nyundua, ne kwaa aa lɔ nyundua bwa.

Yela 65:7

He ɡelɔ mpo nehɛma sii nyoa hel, asɛ harɛre nɛra nyoa sɔɔh, moola baa dɛ moo ta.

Yela 78:69

Belaa o ma o Dea, o do jaŋne kɛ bwejena ken. O mao o che kɛ harɛ waa tao nɔ, dɛ che kiŋkiŋ saŋ bɛlbwa dɛɛ la.

Yela 93:1

Korowii dɛ di kora, o do laala kɛŋɔ kooro, dɛ dɔ jirima kohona dɛɛ di kpeɡri. O ta harɛ dɛ ɡel o che kiŋkiŋ, nomɛlbwa aa wola won kpɔ le o buɡ ta.

Sɛɡla 3:19

Wejema nee Korowii ta harɛ, waa mun noe taa o che, dɛ ta nyundua ɡe.

Sɛɡla 30:4

Nomɛl la Korowii doa dɛ berɛ ba kaa? Umee lawɛ peu kpoŋe o nɔmpaa bini kaɔ? Umee ɡbaa nee aa lɔ harɛ ta bwa do yal ta, kɛɛ umee kpɔ jwɛhre bil harɛ nɔ ta nyoa ɔ? Umee jemɛ naate ɔ? O sɔne ɛrɔɔ? O bie sɔne ɛrɔɔ? He jemɔ waa, baɡ mɛ!

Aesaya 37:16

“N Naa Koranar Bwa Kooro, Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Aesaya 44:24

Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 45:12

Menee ta harɛ, dɛ ta nɛwɛnyina do o ta. N kpeɡrii n kpɔ baŋre nyundua kɛŋɔ yal, dɛ kpɔ wee ne korobie dɛ weweela cheɡ a chebɔra.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 48:13

N ɡbaɡbaa kpɔ nɔn pa harɛ mun, dɛ kpɔ n nɔndiɡ baŋre nyundua. N yera aa, a dɛ ba n be.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Jeremia 10:13

O bol wa aa, bwaala dɛ nɛ dɛɛ kɔɡre nyundujaɡla, o ɡelɔ baama aa dɛ nɛ bwaala ir dɛɛ le harɛ jaɡa. O ɡelɔ bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Jeremia 32:17

“Nemenɛ Korowii, henee cheɡɛ he kpeɡri kohona ta dɛ ta nyundua ne harɛ. Wobɛlbwa aa kpeɡe tɛɛ.

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Amanesoma Jɔn Aa Chwera Tɔn 1:3

O nɛɛ Korowii che dɛ ta komɛlbwa. Kontaale bɛlbwa toole waa wola o nɛɛ cheɡɛ dɛ tao.

Kolosi 1:16

O Bie la nɛɛ o che dɛ ta komɛlbwa waa lɔ harɛ ta ne komɛlbwa waa lɔ nyundua, anɔ la yaa dɛ naa ne anɔ la yaa wola an na kɛŋɔ nyundua toroma ne konchɔɡa aa dɛ di kpeɡri bwa soo siwi. O Bie la nɛɛ o che dɛ taa, asɛ a do le tɛo.