Jeremia 1:8 - mzwDBL

⁸ Dɛɛ berɛ ba ɔma. Mɛɛ ja he nɛɛ dɛ́ lɛɛ. Men Korowiirii bola.”

Jeremia 1:8 Iomraidhean Croise

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Jeremia 1:17

Ir, dɛ́ kpɔ he te, Jeremia, dɛ́ ka bol wobɛlbwa maa doe ŋɔ hé bol ba be. Dɛɛ berɛ ba ɔma taraken, he ɛ ɡɛ naa, henee mɛɛ ba ɡela he berɛ ɔm ba kohona ba sie.

Jeremia 1:19

Baa yoi, kɛ baa won pɔ he nɛ, dɛkalkɛ n ja he nɛɛ ásɛ dɛ lɛɛ, men Korowiirii bola.”

Jeremia 20:11

Kɛ hen Korowii, he ja n nɛɛ kɛŋɔ banyoo ken, anomanta, nɛra baa cheɡɛ n nɛɛ bwa ɛɛ horɔɔ. Sihiih ɛɛ kpo ba saŋ bɛlbwaa dɛɛ la, dɛkalkɛ ba wobɛlbwa aa maɡra ba. Nɛra aa sihiih baa di la soeh ba bwa.

Jeremia 30:11

Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”

Jeremia 39:11

Dɛ Babelɔn Kooro Nebukadnesa fa cheɡɛ men Jeremia nɛɛ dɛ do Nebusaradan waa chɔ laa tena baa dɛ daah kooro nyoa la ŋɔ,

Jeremia 42:11

He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta.

Daneɛl 3:17

Dɛ ba kpɔ yaa ka do fononoo nijena aa dɛ hɔ kohona bini naa, Korowii yaa dɛ tomɔ la ɛɛ won lɛ yaa le o ta, dɛ́ won lɛ yaa he nɔn ta ɡe.

Daneɛl 3:25

Asɛ kooro ŋɔ o nomonome la be ŋɔ, “Hé nyiŋi na. N dɛ na nɛra banaarɛ baa valɛ nii la ta, ba ta ban vɔrɔwɛ, ba ta fueh ɡe. Onɔ la waa jaa naarɛ la dɛ le nyundua torome.”

Matiu 10:26

Anomanta, he bɛ nɛra dɛɛ ɔmɛ. Wobɛlbwa baa tɔ a ta la ɛɛ le baŋee, ásɛ waa aa sɔah bwa ɡe le nɛra jemɛ.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

We-ɛɛla 18:10

dɛkalkɛŋɔ n cheɡɛ he habɔɔ. N nɛra warɛ bwɛjen nɔ ta. Anomanta, mɛɛ che he mun taa, ásɛ nomɛlbwa bɛ won ɛɛ wobɛlbwa.”

We-ɛɛla 26:17

Mɛɛ tomɛɛ Juu tena ne nɛra baa wola Juu tena ɛɛ bwa bee, dɛɛ kisii wechɔɡe ba be.

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

We-ɛɛla 4:29

N Naa Korowii, berɛ na ɡɛ baa dɔa aah he bonɔɔna, dɛ́ tɛɛ ba kpeɡri bá won bol he waa bansua bwa ne.

Ɛfesos 6:20

Maa ɛ Yeesu nachiɡe dɛɛ bol Amanesoma nɔ ba koh a waa do mɛ dea nɔ. Hɛ́ɛ soŋe Korowii ásɛ n ta dɔ bambile dɛɛ baɡla ɡɛ aa chɛ kɛ mɛɛ baɡla.

Mmarare 31:6

Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

Mmarare 31:8

Korowii ɛɛ tɔ he siee dɛ́ ja he nɛ, anomanta, bɛ ɡel he bwara hwah, bɛ ɔmɛ.”

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”