Jeremia 1:5 - mzwDBL

⁵ “N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Jeremia 1:5 Iomraidhean Croise

Yela 139:15

Haa ta n hoɡa dɛɛ pɛ kɛrɛdɛ ken n nya tea bini n sɔh bela dɛɛ kpeɡ la, dɛ he jemɛ n wa.

Yela 139:16

He na ɡɛ maa doa mɔɔ ba lol mɛ. He chwerɛ tɔpera maa di harɛ ta do he tɔn bini mɔɔ a bɛlbwa pa mun.

Kaala 33:12

Anee Mosis ŋɔ Korowii be ŋɔ, “N Naa Korowii, saŋ bɛlbwaa he yon ŋɔ n tɔ nɛra nɔ sie dɛ́ kpɔ ba kaa, kɛ nɛn waa ja n nɛɛ la te he ta ɡelɛ mɛɛ jemɔ. He berɔ ŋɔ he jem mɛ kɛrɛdɛ he sie ɛɛ lɛ n nɛ.

Kaala 33:17

Asɛ Korowii ŋɔ o be ŋɔ, “Mɛɛ ɛ waa haa soŋa nɔɔ, dɛkalkɛŋɔ n jemɛ heyaa kɛrɛdɛ n sie ɛɛ lɛ he nɛ.”

Aesaya 44:2

Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Aesaya 49:1

Bojaŋa harɛre nɛra, hé cheɡ deŋne dɛ́ no n be. Korowii lee mɛ n ɛ o bonɔɔ, o yerɛ n sɔn mɔɔ ba lol mɛ.

Aesaya 49:5

Korowii lee mɛ dɛ ɛɛ mɛ o bonɔɔ mɔɔ ba lol mɛ, dɛ ŋɔ ń berɛ ba o nɛra Israel tena baa peɡra dɛ do bobɛlbwa la ne o be. Korowii ɡelɔ n dɔ duure, o bee n kpeɡri do.

Jeremia 1:10

Na, n lee fini dɛ tɛɛ kpeɡri harɛre nɛra bwa nɛ, hé fuɡri dɛ́ kuuɡi dɛ́ chɔɡ, dɛ́ berɛ laɡ ba ir dɛ́ du, bá kpeɡ kɛŋɔ konduula ken.”

Jeremia 1:4

Korowii bol waa men Jeremia be ŋɔ,

Jeremia 20:15

Nyotaahna lawɛ naate waa ɡela n mɛɛ no a wa, dɛ ɡel o sie lɛ dɛ ŋɔ, “Ba lolɛ bibaa tɛɛ” la.

Jeremia 25:13

Wɛɛ kpɔ wenaale bwa baa chwera do tɔn nɔ bini, o che men Jeremia nɛɛ ŋɔ wɛɛ kpɔɔ ba ta harɛ la ta laanee ba ta ba nɛ.

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Jeremia 50:34

Kɛ ba Lɛɛ la kpeɡri, o sɔne Koranar Bwa Kooro. Wɛɛ yoo kohona dɛ́ lɛɛ ba, ásɛ ba dɔ bosɔɔhna ba harɛ ta, kɛ Babelɔn tena te, ba bwaraa dɛɛ ba nyɛɡa.”

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Amanesoma Luk Aa Chwera Tɔn 1:41

Ɛlesabɛt aa no Mɛɛre taa la, anee bie la aa lɔ o tea bini la lɔ kpeɡri nɛ, asɛ Korowii Domadɛɛɡe ba so Ɛlesabɛt nɛ.

Amanesoma Luk Aa Chwera Tɔn 1:76

Anee Sekaria bol waa o bie la be ŋɔ, “N bie, baa yerɛɛ Nemenɛ Korowii keamee, dɛkalkɛŋɔ hɛɛ tɔ ya Dɔɔ siee, dɛ́ kwaa bɔr tɛo ásɛ o ba,

Amanesoma Jɔn Aa Chwera Tɔn 10:36

dɛ men n Mɛɛ Korowii aa lee mɛ dɛ tom mɛ harɛ nɔ ta la ŋɔ Korowii Biee men aa, ɛrɛɛ he ŋɔ n dɛ bol musu waa nɔɔ?

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Tɔn Pɔɔl Aa Chwerɛ Rom Tena 8:29

Nɛra Korowii aa jemɛ ba waa cheɡ wubwa la, waa wola ban tae mɔɔ la, dɛ o tɔ sie lee ba ŋɔ bá ba do kɛŋɔ o Bie la ken, ásɛ ba bwa ɛ o Bie la nimanar, ásɛ o ɡe ɛ ba Dɔɔ.

1 Kɔrent 8:3

Naate waa dɛ nyin Korowii la te, Korowii ɡba jemɔ.

Ɛfesos 1:22

Korowii kpɔ komɛlbwa ne nomɛlbwa bil Yeesu Kristo sie o tire ba nɛ, dɛ berɛ ɡel o ɛ asɔre tena bwa nyu,