Jeremia 1:3 - mzwDBL

³ ne ɡɛ saŋ Kooro Josia bibaa Jehoiakim aa di kora Juda harɛ. A habɔɔ, Korowii berɔ bol waa Jeremia be ka tel Kooro Josia bibaa Sedekia aa di kora bene fi dɛ beŋkpoŋ ta. A ɡɛ bena la korobie anue ta la, ba lawɛ Jerusalam tena laa ta kaa bojaŋ harɛfale ta.

Jeremia 1:3 Iomraidhean Croise

2 Koranar 23:34

Ijipt Kooro Neko kpɔ Kooro Josia bibaa Eliakim chiɡ o mɛɛ naa ta, o di kora Juda harɛ. Kooro Neko charɛ Eliakim sɔn la dɛ pao Jehoiakim. Dɛ kpɔ Kooro Jehoahas kaa Ijipt harɛ ta, asɛ o ka sewɛ bela.

2 Koranar 24:17

Babelɔn Kooro Nebukadnesa cheɡ Kooro Jehoiachin mɛɛ nime baa dɛ yerɔ Matania kooro, o so Kooro Jehoiachin buɡ ta, dɛ ɛ Juda harɛ kooro. Dɛ beɡre Matania sɔn Sedekia.

1 Webena 3:15

Josia dɔ bibaala banaarɛ, banee, Johanan ne Jehoiakim ne Sedekia dɛ Salum.

Jeremia 1:4

Korowii bol waa men Jeremia be ŋɔ,

Jeremia 34:1

Korowii bol waa men Jeremia be, ɡɛ saŋ Babelɔn Kooro Nebukadnesa ne o laa tena, ne harɛre nɛra, dɛ wobol bwa soo siwi nɛra baa lɔ o lɔɡa, aa pɛa dɛɛ yo Jerusalam ne bwɛɛre aa baro cheme.

Jeremia 35:1

Gɛ saŋ Juda Kooro Josia bibaa Jehoiakim aa di kora Juda harɛ la, Korowii bol waa men Jeremia be ŋɔ,

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Jeremia 39:2

Kooro Sedekia aa di kora bene fi dɛ beŋkpoŋ ta, korobinaarɛ tɔpenuanaarɛ ta la, ba kuuɡi Jerusalam danjwɛjen la, dɛ jo ba be.

Sekaria 7:5

“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa?

Sekaria 8:19

“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”