Fini, n ɡelɔ he do kpeɡri kɛŋɔ bwɛjen baa ma danjwɛkpeɡ baro, ne buni pila ne ayaawa danjwɛɛ harɛ la ta, ásɛ he won yo Juda koranar ne ba nomonome, sɔfore ne nɛra baa lɔ harɛ la ta.
Dɛ n do kɛŋɔ pebie waa pwɛra ba lawɔ dɛɛ kaa kpobɔr ken. N ta jemɛ kɛŋɔ ba dɛ vɔrɔwe n bwara wechɔɡa ŋɔ, “Hé ɡel ya kpo Jeremia ɡɛ ba yon chɔɡ daa ne o nɔna bwa la, dɛ́ kpoo le harɛ nɔ ta, ásɛ o sɔn den he kwaraa.”
Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”
N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”
Kɛ hen Korowii, he ja n nɛɛ kɛŋɔ banyoo ken, anomanta, nɛra baa cheɡɛ n nɛɛ bwa ɛɛ horɔɔ. Sihiih ɛɛ kpo ba saŋ bɛlbwaa dɛɛ la, dɛkalkɛ ba wobɛlbwa aa maɡra ba. Nɛra aa sihiih baa di la soeh ba bwa.
Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”
N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”
Asɛ kooro ŋɔ o nomonome la be ŋɔ, “Hé nyiŋi na. N dɛ na nɛra banaarɛ baa valɛ nii la ta, ba ta ban vɔrɔwɛ, ba ta fueh ɡe. Onɔ la waa jaa naarɛ la dɛ le nyundua torome.”
He bɛ ɡaeh lɛ Korowii nɛɛ dɛ vɛoh. He bɛ harɛ la ta nɛra ɡe ɔmɛ. Yaa wono pɔ ba nɛ, kwaa baa kpɔ ba te dawɛ a ta la toole kpa. Korowii teŋɛ ya nɛ, he bɛ ban ɔmɛ.”
Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”