Jeremia 1:15 - mzwDBL

¹⁵ N dɛ ba nɛra baa lɔ weekaŋle nyunduabɔr harɛre ta bwa yera cheme. Ba koranar ɛɛ bao ba cheɡ ba kookane Jerusalam doonyojena ta, dɛ́ ba yoo ba, dɛ́ kuuɡi o danjwɛjena aa baro, dɛ Juda bwɛɛre bwa ɡe.

Jeremia 1:15 Iomraidhean Croise

Aesaya 22:7

Gɛɛ a do kwaa aa do kɛ torɔɡore, su he fɛlembɔjena harɛdɛɛɡa la bwa, asɛ nɛra baa soɡe jaɡre ta ɡe che Jerusalam doonyoone.

Jeremia 10:22

Hɛ́ɛ no! Waane dɛ ba, laa tena ɡbɔɡa le weekaŋle nyunduabɔr dɛɛ ba, dɛ́ ba chɔɡ Juda bwɛjena á berɛ dimɡbia, ásɛ kalampoŋare kpɔ bela berɛ a soŋnibɔra.”

Jeremia 10:25

Gel harɛre nɛra na he bandia, banɔ la baa wola hen tomɛ, dɛ vɛɛh la. Ba kpoo he nɛra Israel tena dɛ chɔɡ ba harɛ kwaraa.

Jeremia 13:20

Hé ha sie nyiŋi, he dɔma le weekaŋle nyunduabɔr dɛɛ ba. Leperaa nɛra baa lɔ he nɔn ta, he koh ba waa dɛɛ ɛ mbarafo la dɔɔ?

Jeremia 25:28

Kɛ dɛ ba vɛh numol la lɛɛ dɛ nyɔ aa, hé ŋɔ ba be ŋɔ men Koranar Bwa Kooroo ŋɔ a chɛ kɛŋɔ bá nyɔ.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 33:10

Korowii ŋɔ, “Nɛra dɛ bol ŋɔ bonɔ do kɛŋɔ pua hɛŋle ɡbo harɛ, nɛra kɛɛ kondɛɛra toole o ta. Kpelaa ba ŋɔ. Juda harɛ bwɛɛre ne Jerusalam fɔɡbaahna bwa chɔ pɛɛ, nɛra kɛɛ kondɛɛra toole bela. Kɛ hɛɛ berɔɔ baa no,

Jeremia 34:1

Korowii bol waa men Jeremia be, ɡɛ saŋ Babelɔn Kooro Nebukadnesa ne o laa tena, ne harɛre nɛra, dɛ wobol bwa soo siwi nɛra baa lɔ o lɔɡa, aa pɛa dɛɛ yo Jerusalam ne bwɛɛre aa baro cheme.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 39:3

Belaa Babelɔn kooro nomonome bwa kpɔ ba kane ba so Baah ta Doonyoa la ta. Banee Nɛrɡal Saresa waa le Samɡa, ne Nɛbo Sarsekim waa chɔ nomonome la nyoa, ne Nɛrɡal Saresa bɛl ɡe, dɛ nomonome baa kaa bwa.

Jeremia 4:16

Taa la ŋɔ, “Ŋɔ ɡɛ waa nɔ harɛre nɛra be, dɛ́ bola Jerusalam ɡe be ŋɔ, ‘Laa tena baa wara le bojaŋ harɛ ta dɛɛ ba, dɛɛ dooɡe laa lɔŋɔre dɛ́ ba yo Juda harɛ bwɛjena.

Jeremia 4:6

Hé ir fraŋkaa chaɡɛ Saayɔn. He bɛ hɛlɛ, hé chwa dɛ́ lɛ he nyu. N kpɔ wenaale le weekaŋle nyunduabɔr dɛɛ ba, chɔɡa tenten nee mɛɛ ba he nɛ.”

Jeremia 43:10

Ásɛ dɛ berɛ ŋɔ ba be ŋɔ men Koranar Bwa Kooro, Israel tena aa dɛ tom mɛ ŋɔ, ‘Mɛɛ kpɔ n bonɔɔ Kooro Nebukadnesa waa ɛ Babelɔn kooroo ba bonɔ, dɛ́ ɡel ó kpɔ o kookara ba cheɡ bwekuŋe haa huɡa nɔ ta. Wɛɛ baŋre o tɛnte deaa ó do kɛŋɔ koodem.

Jeremia 44:6

Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.

Jeremia 46:24

Sihiih kpo Ijipt tena, ba dɔma le weekaŋle nyunduabɔr ba yoo ba dɛ pɔ ba nɛ.”

Jeremia 5:15

Korowii ŋɔ, “Israel tena, n kpɔ nɛra le bojaŋ harɛ ta ásɛ ba ba yo heya. Harɛ o nɛra aa lole le saŋ la bwa dɛ do kpeɡri haa wola ba wobol no, haa a mun ɡe no.

Jeremia 6:22

Hé nyiŋi na! Laa tena le weekaŋle nyunduabɔr dɛɛ ba, harɛ o nɛra aa kana kpɔ ba te le harɛ jaɡa dɛɛ ba ba yo laa.

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Wiile 5:11

Ba ɡuɡri haahna dɛ laɡ ba chɔ Saayɔn Bwejen ta, ɡɛɛ ba ɛ toli baa wola baala jemɛ ɡe Juda harɛ bwɛɛ bɛlbwa ɡe ta.

Ɛsekeɛl 32:30

Koranar baa le weekaŋle nyunduabɔr, ne Sidon tena bwa chɔ bela. Kɛ ba kpoo ba ba di sihiih, ba kpeɡri ba fa aa dɔa dɛ kpɔ ɔmee kohona ta nɛra nɛɛ la habɔɔ. Ba chɔ nɛra ba fa aa wola men tomɛ la baah ta lalabwɛ.

Joel 2:20

Mɛɛ doŋi tontombɛ aa do kɛŋɔ laa tena, dɛ le weekaŋle nyunduabɔr laanee le he be, dɛ́ taɡɛ ane ka ta pua hɛŋle ɡbo harɛ ta, ásɛ dɛ taɡɛ anla aa tɔ sie la ka ta Yar Mpo ta. Anɔ la aa lɔ habɔɔ ɡe, n taɡa ka ta Mɛdetereenea Mpo ta. Aa serewoo dɛ́ pɔh, ásɛ a sɔɔh kaa nyundua.” Kasinteŋ, Korowii ɛ wejena.

Sekaria 6:6

Kon baa vɔwa pɛl jaaɡɔbiŋere la sie chaɡɛ weekaŋle nyunduabɔr, Babelɔn harɛɛ a tɛɡre dɛɛ kaa. Onɔ la baa vɔwa pɛl jaaɡɔpoŋa la sie chaɡɛ wee cholibɔr, asɛ onɔ la baa vɔwa pɛl jaɡre a bwara aa lɛɡra la ɡe sie chaɡɛ weekaŋle harɛbɔr a bwa tɛɡre dɛɛ kaa.”