Jeremia 1:12 - mzwDBL

¹² O ŋɔ, “He bol kasinteŋ, kɛ n dɛ nyiŋi kɛŋɔ n waa maa bola la bwa ɛ ɡɛ.”

Jeremia 1:12 Iomraidhean Croise

Aesaya 55:11

Gɛɛ waa aa le n nyoa ɛɛ ba ɛɛ. Maa bol á berɛ ba n be pɛɛpɛɛ, nemenɛ waa maa dɛ nyin la bwa aa ɛa ka tonɛ.

Jeremia 1:13

Korowii berɔ bɔɔ mɛ ja ŋɔ, “Bɔkwaa hɛɛ na nɔ?” Asɛ n chaŋe ŋɔ, “N na vii bɛl nee do o bini, dɛɛ wure kɛŋɔ waa chɔŋɛ nii ta ken, dɛ wɛle le weekaŋle nyunduabɔr.”

Jeremia 24:3

Belaa Korowii bɔɔ mɛ ŋɔ, “Jeremia, bɔkwaa hɛɛ na nɔ?” Asɛ n chaŋe ŋɔ, “Fiɡ daa nɔnaa mɛɛ na. Anɔ la aa ɛ nɔndɛɛɡa la wer, kɛ anɔ la aa ɛ nɔnchɔɡa la te bwa chɔɡɔ, baa wola won dia.”

Jeremia 31:28

Gɛ maa nyiŋi ba nɛɛ dɛ fuɡri dɛ kuuɡi dɛ chɔɡ dɛ berɛ laɡ ba ir dɛ du la, ɡɛɛ mɛɛ ba ba nɛɛ nyiŋa dɛ́ laɡ ba ir, ásɛ ba kpeɡ kɛŋɔ konduula ken.

Ɛsekeɛl 12:25

Men Korowii te, n bol wa aa, aa biɡri dɛ́ ba. Saŋ he deŋnekpeɡ tena nɔ aa lole nɔ taa mɛɛ bola dɛ́ ɛa. Men Nemenɛ Korowiirii bola.”

Ɛsekeɛl 12:28

Anomanta, ŋɔ men Nemenɛ Korowii ŋɔ, ‘Wobɛlbwa aa le n nyoa la aa biɡri kpa, a bwa ɛɛ bao. Men Nemenɛ Korowiirii bola.’ ”

Emɔs 8:2

Asɛ o bɔɔ mɛ ŋɔ, “Bɔkwaa hɛɛ na nɔ?” N chaŋe ŋɔ, “N na wɛɡrɛ daa nɔna aa bea do o bini.” Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.

Amanesoma Luk Aa Chwera Tɔn 10:28

Anee Yeesu ŋɔ o be ŋɔ, “Kpelaa he ŋɔ. Dɛɛ ɛ ɡɛ, hɛɛ dɔ ɡɛ mkpa laanee.”

Amanesoma Luk Aa Chwera Tɔn 20:39

Asɛ Tɔnjerema la bane ŋɔ, “Nomoa, he bola aŋwɛnɛ ta!”

Mmarare 18:17

Asɛ Korowii ŋɔ n be ŋɔ, ‘Gɛ baa bola nɔ wer.

Mmarare 32:35

Korowii ɛɛ tɔ a peɡee, wɛɛ bɔ ba a kemee. Saŋ bɛl dɛ ba ba chole, ba chɔɡa tɔpere dɛ tel.

Mmarare 5:28

Korowii no ɡɛ haa bola la dɛ ŋɔ, ‘N no ɡɛ nɛra la aa bol he be la, anɔ la bwa baa bola la wer.