Jeremia 1:10 - mzwDBL

¹⁰ Na, n lee fini dɛ tɛɛ kpeɡri harɛre nɛra bwa nɛ, hé fuɡri dɛ́ kuuɡi dɛ́ chɔɡ, dɛ́ berɛ laɡ ba ir dɛ́ du, bá kpeɡ kɛŋɔ konduula ken.”

Jeremia 1:10 Iomraidhean Croise

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Koranar 19:17

Nomɛlbwa waa chwa le Hasael kpoe nyoa la, Jehuu dɛ́ kpoo. Elaesa ɡee dɛ́ kpo banɔ la Jehu aa wola ban dɔ kpo la.

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.

Jeremia 1:5

“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Jeremia 24:6

Mɛɛ do sie ba bee ba wobɛlbwa ta, dɛ́ berɛ ba bane bonɔ, dɛ́ laɡ ba ir bá kpeɡ, maa ɡel ba chole, dɛ́ kwaa ba du, maa ban fuɡri ta kɛŋɔ dua.

Jeremia 25:13

Wɛɛ kpɔ wenaale bwa baa chwera do tɔn nɔ bini, o che men Jeremia nɛɛ ŋɔ wɛɛ kpɔɔ ba ta harɛ la ta laanee ba ta ba nɛ.

Jeremia 31:28

Gɛ maa nyiŋi ba nɛɛ dɛ fuɡri dɛ kuuɡi dɛ chɔɡ dɛ berɛ laɡ ba ir dɛ du la, ɡɛɛ mɛɛ ba ba nɛɛ nyiŋa dɛ́ laɡ ba ir, ásɛ ba kpeɡ kɛŋɔ konduula ken.

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Jeremia 44:27

Korowii ŋɔ, “N sie lɔ ba be mɛɛ nyin ba dɛ chɔɡ, dɛ ɛɛ ba wedɛɛɡa te laa. Juu tena baa soɡe Ijipt harɛ ta la, laa ne lɔree dɛ́ kpoo ba ka tel kɛŋɔ ba bwa aa serewa.

Jeremia 45:4

Belaa Korowii ŋɔ men Jeremia bol Baruk be ŋɔ, “Mɛɛ taɡɛ komɛlbwa maa mao ta harɛ, dɛ́ fuɡri komɛlbwa maa duu ta, harɛ nɔ ta bobɛlbwa.

Ɛsekeɛl 21:19

“Nɛwɛnyini bie, bil ŋwɛnɛre anɛ ásɛ Babelɔn kooro kpɔ o kere kpɔ a ta ba. A ɛ ŋwɛnɛre aa le harɛ beŋkpoŋ ta, dɛ́ pa daa o baɡle bela ŋwɛnɛre anɛ la aa pera kaa.

Ɛsekeɛl 23:36

Korowii ŋɔ n be ŋɔ, “Nɛwɛnyini bie, hɛɛ bol Ohola ne Oholiba waa dɛ́ pa ba bolchɔɡe aa? Di ba kasinteŋ waa maa kia ba ɛ la wa.

Ɛsekeɛl 32:18

“Nɛwɛnyini bie, wi tɛ Ijipt harɛ ta nɛndamanta bwa, kpɔ ba ka ja harɛre nɛra baa kpeɡa dɛ serewe kaa lalabwɛɛ la nɛ.

Ɛsekeɛl 36:36

Belaa harɛre aa kaa dɛ bar heyaa cheme la ɛɛ ba jema kɛŋɔ, menee bera ba vɔrɔwe bwɛjena a fa aa paɡra dɛ chɔ pɛɛ, dɛ berɛ ɡel harɛ la ɛ harɛpare la. Men Nemenɛ Korowiirii bola, mɛɛ ɛo ɡe.”

Ɛsekeɛl 43:3

Wepila la do kɛŋɔ anɔ la Korowii aa baa chɔɡ bwɛjen Jerusalam, ne Keba Moo nyoa kwaa maa naa la, asɛ n ba harɛ dɛ kpɔ sie pi harɛ.

Hosia 6:5

A waa n tomɛ n keamere he be, waa bola dɛ́ pa bole ne he kpoora wa. N waa bola dɛ́ pa bole do kɛŋɔ bwaala aa nyɛɡla ken he nɛ.

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”