Jeremia 1:1 - mzwDBL

¹ Baa bɛl sɔne Hilkia, dɛ o ɛ sɔfore baa lɔ Anatɔt la bɛl, dɛ do Bɛnjamen dea harɛ ta. O bibaa sɔne Jeremia, Jeremia waa waa bola laanee teŋa nɔ.

Jeremia 1:1 Iomraidhean Croise

1 Koranar 2:26

Kooro Solomɔn ŋɔ Sɔfo Abiata be ŋɔ, “Berɛ kaa he bwɛ, Anatɔt harɛ ta. He chɛ kpoe, kɛ maa hen kpo taraken, dɛkalkɛŋɔ ɡɛ saŋ n mɛɛ Devid aa ɛ kooro la, dɛ henee dɛɛ che Nemenɛ Korowii Ne Nɛwɛnyina Fɔo Daka la, dɛ berɛ na wahala n mɛɛ aa naa la ane.”

1 Webena 6:60

Bɛnjamen dea tena ɡe, ba kpɔ Gebeɔn ne Geba ne Alemɛt ne Anatɔt dɛ a kondɛɛra dibɔra bwa jaa ba. Bwɛɛre baa bɔna tɛ Kohat dea tena nɔ bwa lɔ fi dɛ atoro.

2 Webena 35:25

Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

2 Webena 36:12

Kooro Sedekia ɛ wechɔɡa dɛ jo Korowii nɛ, o ta o deŋne pwɛrɛ dɛ no Korowii keame Jeremia waa Korowii aa cheɡɛ o nɛɛ dɛ bol la.

2 Webena 36:21

Anee ɡela waa Korowii aa cheɡɛ o keame Jeremia nɛɛ bol la ɛ kpela. O ŋɔ, “Harɛ la ɛɛ chɔɡoo, dɛ́ chɔ kɛ dimɡbia bene fifraanuanɛ baa wola won parɛ o ta.”

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

Ɛsra 2:23

Baala baa le Anatɔt lɔ lafa fifraanɛ dɛ banuatoro.

Aesaya 1:1

Baa bɛlee fa lole baa yerɔ Emɔɔs, o bibaa sɔne Aesaya. Korowii pili waane bini kɛŋɔ deera ken baɡle Aesaya, aa ba Juda harɛ ta ne Jerusalam chiɡa. O naa ɡɛ saŋ koranar bane aa di kora teŋɛ dɔŋa nɛɛ Juda harɛ ta, banee Ussia ne Jotam ne Ahas, dɛ Hɛsɛkea.

Aesaya 10:30

Galim tena, hé do lɔŋɔre! Nɛra haa lɔ Laisa ɡe, hé no. Anatɔt tena, hé waa sum.

Aesaya 2:1

Waa Korowii aa kpɔa baɡle Emɔɔs bibaa Aesaya, a ɛ Juda harɛ ne Jerusalam harɛ ta waa nɔ.

Jeremia 11:21

Anomanta, Korowii ŋɔ Anatɔt baala bane ŋɔ n bɛ Korowii waa bol o sɔn ta, ɡɛ laa aa baa kpo mɛɛ.”

Jeremia 29:27

Ɛrɛɛ he ta Jeremia waa le Anatɔt dɛɛ bol waa kɛŋɔ Korowii keame la kaeh yɔ?

Jeremia 30:1

Waa Korowii Israel tena aa dɛ tomɔ,

Jeremia 37:12

Ate, men Jeremia pa mun le bwɛjen Jerusalam ta dɛ́ kaa Bɛnjamen dea harɛ ta, dɛ́ ka lɛ n bɔr maa dɔ le n lolanar harɛ ta.

Ɛsekeɛl 1:3

Keba Moo nyoa Babelɔn harɛ ta belaa Korowii bol waa men Ɛsekeɛl maa ɛ sɔfo be, n dɔ o kpeɡri dɛ na wepila.

Daneɛl 9:2

A bena waa di kora la, men Daneɛl nyiŋi tɔne bini, dɛ na waa Korowii aa cheɡɛ o keame Jeremia nɛɛ bol ŋɔ, Jerusalam ɛɛ berɛ dimɡbia, dɛ́ ka tel bene fifraanuanɛ.

Emɔs 1:1

Baa bɛl sɔne Emɔs, dɛ o ɛ peteɡre dɛ so Tekoa. Korowii pili waane aa dɛ ba Israel harɛ ta bala baɡlo chaahna ta, bene anɛ mɔɔ harɛ jiɡra bɛl chiɡ Israel harɛ ta. Gɛ saŋ dɛ Kooro Ussia di kora Juda harɛ ta, asɛ Jehoas bibaa Kooro Jɛroboam ɡe di kora Israel harɛ ta.

Emɔs 7:10

Belaa sɔfo Amasea waa lɔ Bɛtel la kpɔ kala tɛ Israel Kooro Jɛroboam ŋɔ, “Emɔs dɛ vɔrɔwe he vɔrɔwa Israel harɛ ta bonɔ. O waa waa dɛ bol la ɡwaalɔ to.

Matiu 16:14

Anee ba ŋɔ, “Bane ŋɔ Jɔn o fa aa dɛ sɔ nɛra Korowii nee laanee hen, bane ŋɔ Elaejaa hen. Bane ɡe ŋɔ Jeremia laa hen aa, amɔ te, Korowii keamebena la bɛlee hen.”

Matiu 2:17

A ɡɛ waa nɔɔ ɡela Korowii keame Jeremia waa o fa aa bola la ɛ kasinteŋ.

Matiu 27:9

Waa Korowii keame Jeremia fa aa bola la ɛ kpela. O fa ŋɔ, “Ba lɛ suuɡapoŋa fifraatoro, ɡɛ Israel tena nyoa aa pɛa ba di o yoɡ la,