Jems 5:5 - mzwDBL

⁵ He dɔ sobɔrdɛɛɡe harɛ nɔ ta dɛ so, dɛɛ di he bwara. Gɛ haa dɛ di he bwara la, he do kɛŋɔ kondɛɛre baa ku kpɔɡa dɛɛ tɛo ó di dɛ́ je bá kpoo la.

Jems 5:5 Iomraidhean Croise

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Yela 73:7

Wechɔɡa su ba bambili, nyubinikpeɡ vɔrɔwa ɡbo waa swɛɛ ba siwi baa lii.

Sɛɡla 17:1

Kondikonchwee bosɔɔhna aa lɔ a ta, ɡwaa kondikondɛɛɡa naɡra aa lɔ a ta.

Sɛɡla 7:14

“Fini n kpo kon dɛ ɛ deŋnesɔɔhna sarahare, asɛ a ka ola la ane.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

Aesaya 3:16

Korowii ŋɔ, “Saayɔn haahna dɛ ɡɔɔ ba te, dɛ valɛ dɛ laa ba baŋa pa, dɛ kpɔ sie dɛɛ nyin baala. Ba dɛ valɛ tolvala naɡale bori ne, asɛ naloɡa baa kpɔa do ba nakpale la ɛɛ do ɡbɔɡa.”

Aesaya 47:8

No, he dɛ di he bwara, dɛɛ lii kɛŋɔ wobɛlbwa toole dɛ́ won ɛɛ. He ŋɔ he ne Korowii kɛrɛdɛ, dɛ ŋɔ, nomɛlbwa toole he habɔɔ. He ta liire kɛŋɔ hɛɛ ɛ luhaahnee bwa, haa biseo ɡee di.

Aesaya 56:12

Ba yon ŋɔ dɔŋa be ŋɔ, ‘Hé ɡel ya nyin sen nyɔ! Hé ɡel ya nyɔ seŋkpeɡa dɛ́ dɛɛ. Ásɛ kere ɡe yá ɛ ɡɛ ja, á ɡwaa fini kwara.’ ”

Jeremia 12:3

N Naa Korowii, kɛ ane a bwa, he jem mɛ, he dɛ na mɛ dɛ jemɛ ɡɛ he waa aa lɔ n bini. Tɛɡre nɛnchɔɡa la kɛŋɔ peera baa dɛ la ka kpoora! Lee ba cheɡ ka tel saŋ baa kpoo ba!

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Ɛsekeɛl 16:49

Wechɔɡa he nime Sodom aa dɛ ɛ laanee nɔ. O ne o bihaahna dɔ mbarafo, ba dɔɔ kohona dɛɛ di ba waane laa nomɛlbwa wa. Ba ta nyaara ne nɛra aa hiah ba chae.

Ɛsekeɛl 39:17

Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, yerɛ jumbii bwa soo siwi, dɛ kpɔɡ bini olchɔɡa bwa ŋɔ, ‘Hé bwa le ba boa nyoa, dɛ́ di saraha maa dɛ ba ɛɛ dɛ tɛ heyaa nɔ. O ɛ sarahajen Israel bwejena dor. Hɛɛ di olaa dɛ́ nyɔ chal.

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Amanesoma Luk Aa Chwera Tɔn 16:19

Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.

Amanesoma Luk Aa Chwera Tɔn 16:25

Anee Abraham ŋɔ, ‘N bie, lii kɛŋɔ ɡɛ saŋ he fa aa lɔ harɛ ta la, he di yɛɛ kɛrɛdɛ, asɛ Lasorɔs na wahala. Taraken nɔ o dɛ di yɛɛ, asɛ he ɡee na wahala.

Tɔn Pɔɔl Aa Chwerɛ Rom Tena 13:13

Hé ɡel ya lawɛ ya te kɛrɛdɛ, dɛ́ do kɛ nɛra bɔr aa chaah ba nɛ. Dɛ warɛ dɛ valɛ dɛɛ do ɡbɔɡa ne sennyɔdɛɛ waa toole kpa, hanyin ne banyin ne wedoŋa toole kpa, naɡrenyin ne bɔweela toole kpa.

1 Timoti 5:6

Kɛ luhaah bodia wa aa dɛ lɛ o sie la, o soɡe le te, kɛ o do kɛŋɔ nɛn waa sewa.

2 Timoti 3:4

Baa ɛ bwɛpaɡre nɛraa, ba sie ɛɛ do wɔrɔbee, dɛɛ maŋkura ba te. Baa kpɔ silɛɛ kwaa ɡwaa Korowii.

2 Pita 2:13

Wahala baa ɡela nɛra ɛɛ na la, ba ɡe ɛɛ na a dɔŋaa. Waa ba sie aa dɛ lɛ a taa kɛŋɔ ba bodia waa baa dɛ ɛa bochaah la. He ne baa pɛa dɛɛ di kwaa nɔ, ba do kɛ doŋa dɛɛ chɔɡ he wer. Ba sɔɔh dɛɛ ɛ bodia waa he habɔɔ taeh.

Tɔn Jud Aa Chwera 1:12

He yon cheme dɛ pɛ dɛɛ di kondikwaa aa dɛ baɡle beŋkpoŋri ɛɛ haa dɔa he Dɔɔ tom nɔ ta la, a ɡɛ nɛra la lɔ he baah kɛŋɔ doŋa dɛɛ chɔɡ he wer. Ba ta sihiih dɔe. Ba ɡbo waa baa dawɛ, baa nɛra waa dawɛ. Ba waa ta hwɛɡa dɔe kɛŋɔ baama peu aa dɛ kaa a ne aa wola bwaala nee ne ba la. Ba do kɛŋɔ daa aa wola won a nɔna saŋ nɔnɛ, asɛ ba chuɡra ta a den serewe kwaraa la.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.

1 Samoɛl 25:36

Abiɡel aa la Nabal be la, dɛ o lɔ o dem dɛɛ di kondikonjena dɛɛ lɛ o sie kɛŋɔ kooro ken. Dɛ o dɛɛrɔ o sie lɛ kɛrɛdɛ. Anomanta, o ta wobɛlbwa o be bolɛ ka tel kɛ tɔ aa pera chɔɔ.

1 Samoɛl 25:6

Hé ŋɔ o be ŋɔ, ‘Kórowii tɛɛ mkpajaŋ! Ó tɛ he ne he dem tena ne he komɛlbwa haa dɔa bokpeɡa!