Jems 5:4 - mzwDBL

⁴ Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

Jems 5:4 Iomraidhean Croise

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

Job Tɔn 34:28

Ba ɡelɔ nyaara wi dɛɛ no Korowii, asɛ wɛɛ no yera baa dɛ yerɔ ŋɔ ó cha ba.

Job Tɔn 7:2

A do kɛŋɔ yom aa nyin chunchule dɛɛ onɛ, kɛɛ paa te aa dɛ kpa o kembɔr la.

Yela 9:12

Hen Korowii dɛ lii nɛra ba bwara aa dɛ nyɛɡ ba wa, haa wii baa dɛ wi waa soh. He dɛ tɛr nɛra baa dɛ ɛ ɡɛ nɛra wechɔɡa la deŋne.

Kaala 22:27

o ɡboo ken ɛ yal waa dɔa dɛ́ kpɔ tɔ. A ba ɡɛ naa, bɔkwaa wɛɛ ba dɔe dɛ́ kpɔ tɔ chɔɔ? O wio no men Korowii aa, mɛɛ no o bee, dɛ́ chao dɛkalkɛ n dɔ tedoma dɛ tɛ nɛra.

Kaala 3:9

Taraken Israel tena wii la tel n be, asɛ n na ɡɛ Ijipt tena la aa dɛ ɛɛ ba hɔhɔrɔwa.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Aesaya 5:9

Nemenɛ Korowii bol waa a chole n deŋna ta. O ŋɔ, “Kpelaa, demjena ɛɛ che dimɡbeenii, deremi aa kana dɛ do wer ɛɛ cheo nɛn aa lee do dɛ́ so a bini.

Jeremia 22:13

Nomɛlbwa waa wola ŋwɛnɛdɛɛɡe ta kpɔe dɛ ma o koodem la, o bwɛɛlɛ. O cheɡɛ neɡra ŋwɛnɛ ta, dɛ paɡri o nyundua deene, dɛ ɡel o harɛ nɛra ɛ toma pɛɛpɛɛ, o ta ban kem bɔe.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Habakuk 2:11

Bwea haa kpɔa ma dea la ɛɛ do lɔŋɔree kɛŋɔ nɛra ken, ásɛ doli haa kpɔa tɔɔ la ɡe sɛh.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 9:37

Anee o kpɔ nɛra la maɡɛ konduula dɛ ŋɔ o habɔteŋra la be ŋɔ, “Koo kondikwaa la kan, kɛ tom-ɛɛra la lɔ tamaa ken dɛɛ ba a koma.

Amanesoma Luk Aa Chwera Tɔn 18:7

Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

Tɔn Pɔɔl Aa Chwerɛ Rom Tena 9:29

Anee Aesaya fa bol la, “Dɛ Koranar Bwa Kooro fe ta o nɛra dwee tama bane ɡelɛ aa, ya fe ɛɛ tonɔɔ kwaraa kɛŋɔ Sodom ne Gomoora tena.”

Mmarare 15:9

Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.

Kolosi 4:1

He banɔ la haa dɔ bonɔɔna ne toli la, hɛ́ɛ ɛɛ ba waa aa toɡra dɛ do wer, dɛkalkɛŋɔ he ɡba lɔ nomɛl lɔɡa, o do Korowii doa.