Jems 5:20 - mzwDBL

²⁰ Hé jemɛ kɛŋɔ nomɛlbwa waa wona cha wechɔɡ-ɛɛ asɛ o ɡel wechɔɡa ɛɛ dɛ berɛ baa ɛ wedɛɛɡa ja la, dɛ naate lɛ wechɔɡ-ɛɛ la mkpa, dɛ ɡel o wechɔɡa damanta bwa waa ɛa la, Korowii kpɔ kɛo.

Jems 5:20 Iomraidhean Croise

Yela 32:1

Nɛra Korowii aa kpɔ ba wechɔɡa kɛ ba, waa wola a waa lii kpa la, ba na som.

Sɛɡla 10:12

Che kaɡraree dɛɛ ba tim kaɡrare tae ne, kɛ nɛnnyin te dɛ́ tɔ wechɔɡa ta.

Sɛɡla 10:2

Wechɔɡa ŋwɛnɛ kpɔe dɛ́ dɔ kondɔɔh ta tɔnɔ bɛlbwa dɔe, kɛ dɛ he waa toɡraa, a dɛ lee seo ta.

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Sɛɡla 11:4

Kondɔɔh ta tɔnɔ dɔe seo tɔpere, kɛ he waa toɡrɔ aa, a dɛ lee seo ta.

Sɛɡla 17:9

Nɛn waa laa sie dɛɛ kpɔ waa o dɔŋ aa ɛo ta la dɔ nyina. A kpoŋa dɛɛ bol te dɛ peɡri darame.

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

Tɔn Pɔɔl Aa Chwerɛ Rom Tena 11:14

Bɛl lole n bwɛɛ tena na ɡɛ naa, baa meeroo, asɛ a che a ta ba bane lɛ Yeesu waa nɔ.

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

1 Kɔrent 9:22

Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

Faelemɔn 1:19

N Pɔɔl ɡbaɡbaa chwerɛ ɡɛ waa nɔ bonɔ kɛŋɔ mɛɛ bɔe kemee la. Kɛ jemɛ kɛ he ɡba di n kem Korowii mkpa la haa cheɡɛ n nɛɛ dɛ dɔ la ta.

Jems 1:15

Pɛla waa wola were la dɛ́ lolɛ wechɔɡa, ásɛ wechɔɡa ɡe baa waraa, a yon lolɛ seo.

Jems 1:21

Anomanta, hé le wedoŋa ne wechɔɡa aa lɔ he bini dɛ ɡwaa he nɛɛ la ta, dɛ́ pwɛr he te, dɛ́ kpɔ he te tɛ Korowii waa la waa kpɔa do he bambili bini á won lɛ heyaa la.

Jems 5:15

Dɛ ba kpɔ yarada dɛ soŋe Korowii aa, weela te la ɛɛ dɔ bokpeɡaa. Ya Dɔɔ la ɛɛ ɡeloo o bwara do kpeɡri. Dɛ wechɔɡa anee o ɛ kwaraa naa, Korowii ɛɛ kpɔɔ kɛo.

Jems 5:19

Yabala, dɛ he bini bɛl nyoɡrɔ le kasinteŋ ŋwɛnɛ la ta, asɛ he bini bɛl ɡe won berɛ chao dɛ baɡlo, asɛ o berɛ ba teŋɛ kasinteŋ ŋwɛnɛ la ta ja aa, dɛ naate waa chao la ɛ waa taeh.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

Wepila 20:6

Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.