Jems 5:19 - mzwDBL

¹⁹ Yabala, dɛ he bini bɛl nyoɡrɔ le kasinteŋ ŋwɛnɛ la ta, asɛ he bini bɛl ɡe won berɛ chao dɛ baɡlo, asɛ o berɛ ba teŋɛ kasinteŋ ŋwɛnɛ la ta ja aa, dɛ naate waa chao la ɛ waa taeh.

Jems 5:19 Iomraidhean Croise

Yela 119:118

Haa nɛra baa vɛh he Mmarare ta teŋa nyin, dɛkalkɛ ba nyosone vɔrɔwa bwa ɛ pɛɛpɛɛ.

Yela 119:21

He dɛ kah mbarafo tena, dɛɛ taah nɛra baa vɛh he waa ta teŋa.

Sɛɡla 19:27

N bie, he dɛ vɛh waa baa dɛ doe a ta hwela aa, hɛɛ le wejema ŋwɛnɛ taa.

Aesaya 3:12

Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Ɛsekeɛl 34:4

He ta anɔ la aa ɡwɛɡra nɛɛ nyiŋe, he ta a weela tena chaeh, kɛɛ dɛ jaɡre anɔ la baa doa bola ŋwɛra. He ta anɔ la aa yeŋa ne anɔ la aa nyoɡra ɡe bɔr nyine, dɛ ba a ne. Nyubinikpeɡ nee he nyiŋa.

Matiu 18:15

Anee Yeesu berɛ ŋɔ, “Dɛ he dɔŋ ɛɛ wechɔɡa ane aa, la o be he ne o le bokɛre bela nomɛlbwa aa wola toole, dɛ́ ka ɡel o jemɛ wechɔɡa waa kpɔa ɛɛ. Dɛ o na o wechɔɡa dɛ larawe naa, dɛ he berɔ dɔ he chamenate.

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

1 Timoti 6:21

dɛkalkɛ ɡɛ waa nɔ taa bane teŋɛ dɛ nyoɡre Korowii kasinteŋ ŋwɛnɛ la. Ń Naa Korowii sune he nɛ, dɛ́ cha he bwa sekwaraa.

2 Timoti 2:18

Banee nyoɡre kasinteŋ waa la ŋwɛnɛ, dɛ kaa baɡle nɛra ŋɔ seo ta ira tɔpere la ɡarɔ, dɛɛ chɔɡ nɛra baa yarada Amanesoma la bane liire waa baa yaradaa la ta.

Hibru 5:2

A ɡɛ Sɔfonomoa nɔ ɛɛ wonoo dɛɛ sune nɛra baa wola waa jemɛ dɛɛ koni la nɛ, dɛkalkɛŋɔ o ɡba kwaraa ta kpeɡri dɔe dɛ́ won dɛɛ vɛh wechɔɡa ɛɛ.

Jems 1:16

Yabala, he bɛ ɡel ba neɡre heya.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Jems 5:20

Hé jemɛ kɛŋɔ nomɛlbwa waa wona cha wechɔɡ-ɛɛ asɛ o ɡel wechɔɡa ɛɛ dɛ berɛ baa ɛ wedɛɛɡa ja la, dɛ naate lɛ wechɔɡ-ɛɛ la mkpa, dɛ ɡel o wechɔɡa damanta bwa waa ɛa la, Korowii kpɔ kɛo.

2 Pita 3:17

Anomanta, n dandɛɛɡa, haa dɔa na ken nɔ, hɛ́ɛ nyiŋi kɛrɛdɛ ásɛ dɛ bɛ ba ɡel nɛra baa wola Korowii ɔmɛ ba neɡre heyaa he lɔ naa he yarada la ta, dɛ́ ba choɡli.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.