Jems 5:17 - mzwDBL

¹⁷ Korowii keame Elaeja fa ɛ nɛn kɛŋɔ yan. O soŋe Korowii taeh dɛ ŋɔ ó ɡel bwaala nɛɛ, asɛ bwaala ta nɛɛ, hwel che bene atoro korobie anumɛl.

Jems 5:17 Iomraidhean Croise

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Koranar 18:1

Hwel la aa cheɡa bene atoro la, Korowii bol Elaeja be ŋɔ, “Kpɔ he te ka baɡle Kooro Ahab, ásɛ n ɡel bwaala nɛ harɛ la ta.”

Amanesoma Luk Aa Chwera Tɔn 4:25

N dɛ ŋɔ he be ŋɔ, ɡɛ saŋ Korowii keame Elaeja fa aa lole hwel che bene atoro korobie anumɛl bwaala aa wola nɛ, asɛ lɔr chole harɛ la bwa ta la, dɛ luhaahna warɔ dɛ do Israel tena bini,

We-ɛɛla 10:26

Anee Pita lawɔ ir dɛ ŋɔ, “Ir harɛ, he nɛwɛnyini dɔŋee men.”

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Tɔn Pɔɔl Aa Chwerɛ Rom Tena 11:2

Korowii ta nɛra o fa aa lee ba cheɡ wubwa ba ɛ o nɛra la vɛɛh. Kɛ he jemɛ ɡɛ Korowii Tɔn aa bol Korowii keame Elaeja waa ŋɔ o chɔɡ Israel tena tɛ Korowii laɔ?

Wepila 11:6

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.