Jems 5:16 - mzwDBL

¹⁶ Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

Jems 5:16 Iomraidhean Croise

Mumpar 19:29

Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.

Mumpar 20:17

Asɛ Abraham soŋe Korowii tɛ Abemɛlɛk ne o haah dɛ o yomhaahna la bwa kɛ ó pili ba lol, asɛ o pili ba lol ba won loɡle,

Mumpar 20:7

Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

2 Samoɛl 19:19

dɛ ŋɔ o be ŋɔ, “N dɔɔ, Korowii bɛ ɡel he pa mɛ bolchɔɡe kpa. Bɛ wechɔɡa maa ɛa awola haa dɛ le Jerusalam la lii. N dɛ soŋe kɛ he laa kpɔ he nyu bini.

1 Koranar 13:6

Asɛ kooro la ŋɔ Korowii keame la be ŋɔ, “N poori, soŋe Korowii haa dɛ tomɔ la tɛ mɛ ásɛ o chah n nɔn nɔ!” Ate, Korowii keame la soŋe Korowii, asɛ kooro nɔn la berɛ do ɡɛ o fa aa doa wubwa la.

2 Webena 30:20

Asɛ Korowii no Kooro Hɛsɛkea wesoŋa la, o kpɔ ba wechɔɡa kɛ ba, o ta ban wobɛlbwa ɛɛ.

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Kaala 17:11

Mosis baa ir o nɔɔra aa, dɛ Israel tena dɛ pɔ ba nɛ. O ba nɔɔra ne harɛ naa, dɛ Amalɛk tena ɡe berɔ dɛɛ pɔ Israel tena nɛ.

Kaala 9:33

Mosis aa le Ijipt kooro be dɛ le bwɛɛ la ta la, o ɡɔɔ nɔɔra nyundua dɛ soŋe Korowii. Belaa bwaala kɔɡra, ne dombwea leera dɛ bwaala la bwa ɡel.

Sɛɡla 15:29

Korowii ne wechɔɡ-ɛɛ baah jaŋne, o dɛ no nɛn o wa aa toɡra wesoŋa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Jeremia 42:2

ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Nɛra Kura 11:2

Belaa ba wi no Mosis, asɛ o soŋe Korowii nii la dime.

Matiu 21:22

Dɛ he kpɔ yarada dɛɛ soŋe Korowii aa, komɛlbwa haa soŋo la, hɛɛ dɔɔ.”

Matiu 3:6

Ba bol ba wechɔɡa chaɡlo waa, dɛ o sɔ ba Korowii nee moo la ta.

Amanesoma Mak Aa Chwera Tɔn 1:5

Belaa nɛra baa le Juda harɛ, ne Jerusalam tena bwa le kaa Jɔn be ka no o waa la, dɛ bol ba wechɔɡa dɛɛ baɡlo, asɛ o sɔ ba Korowii nee Jɔɔdan Moo ta.

Amanesoma Luk Aa Chwera Tɔn 9:6

Asɛ ba le kaa, dɛ kaa bol Amanesoma la bela bwɛɛre la ta, dɛɛ chah weela tena bobɛlbwa.

Amanesoma Jɔn Aa Chwera Tɔn 9:31

Ya jemɔ kɛŋɔ Korowii deŋna toole wechɔɡ-ɛɛra be. O deŋna lɔ banɔ la baa dɛ duuru dɛɛ ɛ waa waa dɛ nyin la be.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 19:18

Name nɛra baa yaradaa la kɛrɛdɛ le bombaah dɛɛ bol wechɔɡa baa ɛa, dɛɛ sɛh ba chɔɡre.

We-ɛɛla 8:24

Anee Seemɔn ŋɔ Pita ne Jɔn be ŋɔ, “N poo heya, hé soŋe Korowii tɛ mɛ ásɛ waa haa dɛ bol nɔ bɛlbwa bɛ men ɛ.”

Tɔn Pɔɔl Aa Chwerɛ Rom Tena 3:10

Anee Korowii Tɔn la ŋɔ la. O baɡlɔ ŋɔ, “Nomɛlbwa toole dɛ ɛ nɛndɛɛɡe o wa ɛɛ su Korowii siwi. Nɛmbeŋkpoŋ kwaraa toole.

Tɔn Pɔɔl Aa Chwerɛ Rom Tena 5:19

Dɛkalkɛŋɔ ɡɛ nɛmbeŋkpoŋ deŋnekpeɡ aa ɡela nɛra bwa ɛ wechɔɡ-ɛɛra la, ɡɛɛ a che nɛmbeŋkpoŋ pwɛre waa doa ta, asɛ Korowii lɛ nɛra kɛrɛdɛ kɛ nɛndɛɛɡa ba waa su o siwi.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

1 Tesalonika 5:17

dɛɛ soŋe Korowii saŋ bɛlbwa.

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

1 Tesalonika 5:25

Yabala, hé soŋe Korowii dɛɛ tɛ yaa.

Hibru 11:4

Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Hibru 12:13

Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.

Hibru 13:18

Hé soŋe Korowii dɛɛ tɛ yaa. Ya jemɔ kɛŋɔ ya tea bini too, dɛkalkɛŋɔ ya dɛ nyin kɛ yaa ɛ waa aa toɡra saŋ bɛlbwa.

Josua 10:12

Awola tɔpere Korowii aa kpɔ Amɔre tena do Israel tena nɔn ta la, Josua soŋe Korowii kohona Israel tena la bwa siwi ta ŋɔ, “N Naa Korowii, ɡel wee che bobeŋkpoŋ Gebeɔn harɛ ta, ɡel korobie ɡe che bobeŋkpoŋ Aejalɔn fɛlembɔjen ta kiŋkiŋ ken!”

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.

1 Samoɛl 1:12

Hana teŋɔ soŋe Korowii la sie taeh, asɛ sɔfo Eli ɛɛ nyiŋi a bwa.

1 Samoɛl 12:17

Lɔmɔɡa saŋ laa nɔ naa? Mɛɛ soŋe Korowiirii ó ɡel bwaala nɛ dɛ kɔr. Anee hɛɛ ba nae kɛŋɔ kooro haa soŋa la ɛ wechɔɡa Korowii be.”

1 Samoɛl 12:18

Anee Samoɛl soŋe Korowii awola, asɛ bwaala nɛ dɛ kɔr kohona. Asɛ ɔmee kohona lawɛ nɛra la bwa Korowii ne Samoɛl wa.