Jems 4:9 - mzwDBL

⁹ Hé ɡel he tea bini chɔɡ, hé wi. Hé ɡel he mama berɛ wii ásɛ he silɛɛ ɡe berɛ sum.

Jems 4:9 Iomraidhean Croise

Nehemia 8:9

Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.

Job Tɔn 30:31

N harame n janjela dɛɛ lɔ wii yela, dɛ hoh n kalipe dɛɛ taa wiile.”

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

Yela 119:67

Mɔɔ he tɛr n deŋne la, dɛ wechɔɡaa n ɛ, kɛ taraken te n dɛ teŋɛ waa haa do mɛ la ta.

Yela 119:71

A wer kɛ maa dɔ deŋnetɛra, dɛkalkɛ a ɡelɔ n won hweli he waa la.

Sɛɡla 14:13

Mama bɛl ɡelɔ tebinichɔɡ ɛɛ le nɛn nɛ, asɛ silɛɛ bɛl habɔɔ ɡe ɛɛ berɛ wii.

Wejereme 2:2

N nao kɛŋɔ mama ɛ ɡɛnewa, pɛlchɔɡa ɡe aa wedɛɛɡa ne ba.

Jeremia 31:13

Belaa toli ɛɛ ba sae ba sie lɛ, ásɛ bonɔɔna ne banjeni bwa ɛɛ hɛɡre. Mɛɛ larawe ba bwaraa, dɛ́ ɡel ba wii ber ba silɛɛ, ásɛ ba dɔ hɛɡra kohona le ba suna dii ta.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Wiile 5:15

Silɛɛ toole ya bini kpa. Ya dɔ silɛɛ aa, anee ya yon dɛɛ sa, taraken te ya dɛ wi, dɛkalkɛ ya lɔ suna dii ta.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛsekeɛl 7:16

Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.

Matiu 21:41

Anee ba chaŋo ŋɔ, “O balaa, wɛɛ ba kpoo nɛnchɔɡa la bwaa, dɛ́ kpɔ koo la tɛ nɛnfala, banɔ la dɛ ba komɛ daa nɔna la aa, baa dɛ ba on o dibɔr tɛɛ.”

Matiu 5:4

Nɛra baa dɛ wi taraken la, ba na som, dɛkalkɛ Korowii ɛɛ larawe ba bwaraa.

Amanesoma Luk Aa Chwera Tɔn 16:25

Anee Abraham ŋɔ, ‘N bie, lii kɛŋɔ ɡɛ saŋ he fa aa lɔ harɛ ta la, he di yɛɛ kɛrɛdɛ, asɛ Lasorɔs na wahala. Taraken nɔ o dɛ di yɛɛ, asɛ he ɡee na wahala.

Amanesoma Luk Aa Chwera Tɔn 6:21

He banɔ la lɔr aa dɛ kpo heyaa taraken la na som, dɛkalkɛ hɛɛ ba vaɡɔɔ. He banɔ la haa dɛ wi taraken la na som, dɛkalkɛ hɛɛ ba mamɔɔ.

Amanesoma Luk Aa Chwera Tɔn 6:25

He banɔ nɔ haa vaɡra taraken nɔ, hé bwɛɛlɛ! Lɔr ɛɛ ba kpo heyaa taeh. He banɔ nɔ haa dɛ mamɛ taraken nɔ, hé bwɛɛlɛ! Hɛɛ ba wiu.