Jems 4:3 - mzwDBL

³ He dɛ soŋo, kɛ haa dɔ, dɛkalkɛŋɔ liire haa cheɡɛ a ta dɛɛ soŋo la aa were. He ɡboɡbo konnyina ne kwaa haa dɛ pɛlɛ a nɛɛ waa hɛɛ soŋo.

Jems 4:3 Iomraidhean Croise

1 Koranar 3:11

Asɛ Korowii ŋɔ o be ŋɔ, “Waa nɔ haa soŋa haa wola mkpajaŋ kɛɛ he ɡbaɡba kondɔɔh soŋɛ kɛɛ he dɔma serewe, kɛ dɛ soŋe wejema dɛ́ kpɔ dɛɛ nyiŋi nɛra nɛɛ kasinteŋ ne nɔ,

Job Tɔn 35:12

Ba dɛ wi aa, Korowii aa ban chaŋe, mbarafo wechɔɡ-ɛɛra aa dɛ ɛ nomanta.

Yela 18:41

Ba wio dɛɛ nyin lɛɛ, kɛ nomɛlbwa toole, ba wio no hen Korowii, he ta ban chaŋɛ.

Sɛɡla 1:28

belaa hɛɛ ba men maa dɔ wejema nɔ yera, ásɛ n mwaa he bwa ne. Hɛ́ɛ ɡaaɡoo dɛɛ nyin n bɔr bobɛlbwa yalayala ken, kɛ haa men na.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 21:13

He laa deŋna kpɔ nyaa wii waa dɛ wi ta naa, he ɡe ɛɛ baa wiu, haa nɛnee dɔ ó lɛɛ.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 11:14

Jeremia, bɛ nɛra nɔ naa ta che soŋe le n be tɛɛ ba, dɛkalkɛ ba wio yer mɛ ba sibeɡre wee ta naa, maa ba bee no.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Maeka 3:4

Saŋ bɛl ɛɛ bao nomonome nɔ wi yerɛ Korowii kɛ waa ban chaŋe, waa ba wesoŋaa no wechɔɡa baa ɛa la wa.

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Matiu 20:22

Anee Yeesu ŋɔ bii la be ŋɔ, “Haa waa haa dɛ soŋe nɔ mun jemɛ. Hɛɛ wonoo nyɔ n tɛɡkpela nɔ maa dɛ ba nyɔe nɔ ane aa?” Anee ba sɛh ŋɔ, “Yaa wonoo.”

Amanesoma Mak Aa Chwera Tɔn 10:38

Asɛ Yeesu ŋɔ ba be ŋɔ, “Haa waa haa dɛ bol nɔ mun jemɛ. Hɛɛ wonoo nyɔ n tɛɡkpela maa dɛ ba nyɔe nɔ ane aa? Hɛɛ wonoo na hɔhɔrɔwa maa dɛ ba nae nɔ dɔŋa aa?”

Amanesoma Luk Aa Chwera Tɔn 11:10

Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.

Amanesoma Luk Aa Chwera Tɔn 15:13

A ta tɔpere bɛl dii, o bie bechala la yoɡ o te kwaa la bwa, dɛ kpɔ o suuɡa jo pua bojaŋ kaa. Waa laŋa la, o kaa ɛ suuɡa la saɡasaɡa ken.

Amanesoma Luk Aa Chwera Tɔn 15:30

Kɛ he bie nɔ waa kaa chɔɡ o suuɡa haahna nɛɛ dɛ ba nɔ, he berɔ ɡarɛ kpo nabidɛɛɡe tɛo.’

Jems 4:1

Bɔkwaa dɛɛ ba naɡra ne he baah ta nɔ? Kwaa haa dɛ pɛlɛ a nɛɛ laa dɛɛ ba a ne naa? Anee dɛɛ yo heya.

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.

1 Jɔn 5:14

Ya dɔ hwɛɡa Korowii be kɛŋɔ wobɛlbwa yaa soŋo la, dɛ a ɛ o tetoowa aa, wɛɛ no ya bee.