Jems 4:1 - mzwDBL

¹ Bɔkwaa dɛɛ ba naɡra ne he baah ta nɔ? Kwaa haa dɛ pɛlɛ a nɛɛ laa dɛɛ ba a ne naa? Anee dɛɛ yo heya.

Jems 4:1 Iomraidhean Croise

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Tɔn Pɔɔl Aa Chwerɛ Rom Tena 7:23

kɛ n bwadabii ɡe berɔ do dor bɛl. O dɛ vuuɡi n bambile. N bwadabii aa Korowii Mmara la aa lɔ n bambile bini la ta teŋa nyin. Liichɔɡaa ɡela n bwadabii aa wola Korowii Mmara la ta teŋa nyin nɔ. A ɡɛ liire nɔ yaɡ mɛ yom.

Tɔn Pɔɔl Aa Chwerɛ Rom Tena 7:5

Saŋ la yaa lɔ wechɔɡa ya nɛwɛnyini mar nɔ wechɔɡa aa suu nɔ aa dɛ nyin la ta dɛɛ ɛ la, dɛ Mmara la dɛ ir ya bambile wechɔɡa ɛɛ ta, asɛ wobɛlbwa yaa dɛ ɛ la, aa kaa ya ne seo ta.

Tɔn Pɔɔl Aa Chwerɛ Rom Tena 8:7

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

Galaasia 5:17

dɛkalkɛŋɔ waa he nɛwɛnyini mar wechɔɡa aa suu la aa dɛ nyin la, Korowii Domadɛɛɡe la aa an nyin. Nɛwɛnyini mar wenyina ne Korowii Domadɛɛɡe wenyina aa jo. Anomanta, waa haa dɛ nyin ɛɛ la, haa wona ba dɛ ɛ.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

2 Timoti 2:23

Bɛ he te kpɔ dɛɛ jo ɡɛnewaa ne wesale tɔŋla ta. He ɡbabir jemɔ kɛ naɡra nee aa ba.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

Taetos 3:9

Kɛ laa he te kpɔ ɡɛne wetɔŋla ne ɡɛ he naawa aa teŋɛ dɔŋa nɛɛ waa bini baɡla ta, ne naɡrenyin, ne Mmara ŋwɛnɛre waa tɔŋla ta. A ta tɔnɔ bɛlbwa dɔe. A ɛ wepuu.

Jems 1:14

Dɛ waane pu nomɛl o ɛ wechɔɡa aa, o ɡbabir pɛla waa dɔa laanee ɡela o ɛ wechɔɡa.

Jems 4:3

He dɛ soŋo, kɛ haa dɔ, dɛkalkɛŋɔ liire haa cheɡɛ a ta dɛɛ soŋo la aa were. He ɡboɡbo konnyina ne kwaa haa dɛ pɛlɛ a nɛɛ waa hɛɛ soŋo.

1 Pita 1:14

Haa ɛ Korowii bii dɛɛ no o deŋna waa nomanta, he bɛ he pɛlchɔɡa waa he fa aa lɔ biro ta dɛɛ teŋɛ a ta la dɛɛ ɛ.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

2 Pita 3:3

Anɔ la aa tɔ siee kɛŋɔ, a chɛ kɛ he jemɛ kɛŋɔ tɔpera aa ka mun nɔ ta nɔ, nɛra ɛɛ dɛɛ mamɛ heyaa. Ba sie ɛɛ dɛɛ lɛ ba pɛlchɔɡa taa.